● ହସକଥା !!!!!!!!!
ଥରେ ଗୋଟେ କମ୍ପାନୀର ବଡ ପଦବୀ ପାଇଁ ସାକ୍ଷାତକାର ପାଇଁ ଅନେକ ଲୋକ ଲାଇନ୍ ଲଗେଇଥିଲେ । ଜଣେ ଯୁବକଙ୍କ ପାଳି ଆସିଲାବେଳେ ହଲରେ ତାଙ୍କୁ ଚୟନକମିଟି ତରଫରୁ ପଚରା ଗଲା ତିନିଗୋଟି ପ୍ରଶ୍ନ ......
● ପ୍ରଶ୍ନ ୧ : ~ ଭାରତ କେବେ ସ୍ଵାଧୀନତା ପାଇଥିଲା ?
■ ଉତ୍ତର – ପ୍ରଚେଷ୍ଟା ତ ବହୁ ଆଗରୁ ଚାଲିଥିଲା ,କିନ୍ତୁ ସଫଳ ହେଲା ୧୯୪୭ ମସିହା ରେ ।
●ପ୍ରଶ୍ନ ୨ :~ ଭାରତ ସ୍ବାଧୀନତା ହେବାରେ ଆପଣ କାହା ଅବଦାନକୁ ସବୁଠାରୁ ଗୁରୁତ୍ବପୂର୍ଣ୍ଣ ବୋଲି ଭାବନ୍ତି ?
■ଉତ୍ତର ~ ଅନେକ ଲୋକ ସମ୍ପୃକ୍ତ ଥିଲେ ଯାହାଙ୍କ ଅବଦାନ ଥିଲା । ତେଣୁ ମୁଁ ଯଦି ଗୋଟିଏ ନାମ ନେବି ତାହା ଅନ୍ୟ ମାନଙ୍କ ପ୍ରତି ଅବିଚାର ହେବ ।
ୱାଃ ..... ୱାଃ ..... ଭାରି କୂଟନୈତିକ ଉତ୍ତର .... ! ଖୁସି ହୋଇ ଚେୟାରମ୍ଯାନ କହି ପକେଇଲେ । ତେବେ ପ୍ରଶ୍ନ ଜାରି ରହିଲା ।
●ପ୍ରଶ୍ନ ୩ :~ ତୁମ ବିଚାରରେ “ଦୁର୍ନୀତି” ଦେଶର ସବୁଠାରୁ ବଡ ଶତ୍ରୁ କି ?
■ ଉତ୍ତର :~ ଗୋଟିଏ କମିଟି ଏହି ବିଷୟ ନେଇ ଅନୁସନ୍ଧାନ ଜାରି ରଖିଛି । ମୁଁ ଏହାର ରିପୋର୍ଟ ଦେଖି ସାରିଲେ ସଠିକ ଉତ୍ତର ଦେଇ ପାରନ୍ତି ।
ଚୟନ କମିଟି ଯୁବକଙ୍କ ଉତ୍ତରରେ ବେଶ୍ ଖୁସି ଥିବା ଜଣାପଡୁଥାଏ । କହିଲେ ହଉ , ଏବେ ତୁମେ ବାହାର ହଲରେ ଯାଇ ଅପେକ୍ଷା କରିପାର । ତେବେ ବାହାରେ ଥିବା ଅନ୍ୟ ପ୍ରାର୍ଥୀ ମାନଙ୍କୁ କହିବ ନାହିଁକି ତୁମକୁ କଣ ସବୁ ପଚରା ଯାଇଥିଲା । ହୁଏତ ଏଥିରୁ କିଛି ଅନ୍ୟ ମାନଙ୍କୁ ବି ପଚରା ଯାଇପାରେ ।
ଯୁବକ ପ୍ରଶ୍ନ ପ୍ରଘଟ ନ କରିବାକୁ ନିଜର ସମ୍ମତି ଦେଇ ବାହାରକୁ ଆସିଲେ ।
ବାହାରେ ଅପେକ୍ଷାରେ ଥିବା ଅନେକ ଯୁବକ ମାନଙ୍କ ଭିତରୁ ଜଣେ ତାଙ୍କ ପିଛା ପଡ଼ିଲା । କହିଲା , ଭାଇ କଣ ସବୁ ପଚାରିଲେ ଟିକେ କୁହ !
ଯୁବକ ଜଣକ କହିଲେ ନା, ନା ତାହା ତ ମୁଁ ନ କହିବାକୁ ପ୍ରତିଶ୍ରୁତି ଦେଇଛି କମିଟି ଆଗରେ ! ଆର ଯୁବକ ନଛୋଡ଼ବନ୍ଧା , ଏଣେ ଏ ଯୁବକ ତାଙ୍କୁ ଆଗ୍ରହ୍ୟ କଲେ , ନଛୋଡ଼ବନ୍ଧା ଯୁବକ ପୁଣି କହିଲେ ହଉ ପ୍ରଶ୍ନ ନ କୁହନ୍ତୁ , ଆପଣ କଣ ସବୁ ଜବାବ ଦେଲେ ତାହା ତ କୁହନ୍ତୁ ।
ଟିକେ ଚିନ୍ତା କଲେ ଏ ଯୁବକ ଜଣକ , ଆରେ ହଁ ତ ପ୍ରଶ୍ନ ସିନା ପ୍ରଘଟ ନ କରିବାକୁ ମୁଁ ପ୍ରତିଶ୍ରୁତି ଦେଇଛି , ଉତ୍ତର ତ ମୋର ଥିଲା , ତାହା କହିଲେ କି ଅସୁବିଧା ?
ଗୋଟି ଗୋଟି କରି ତିନିଟି ଉତ୍ତର କହିଗଲେ । ଆର ଯୁବକ ମନ ଦେଇ ଉତ୍ତର ସବୁ ଶୁଣି ମନ ଭିତରେ ଘୋଷି ନେଲେ ନମ୍ବର ଅନୁସାରେ ।
ଡକରା ଆସିଲା ସେଇ ଯୁବକଙ୍କୁ । ଫୁର୍ତ୍ତିରେ ଯାଇ ବସିଲେ ଯୁବକ ଜଣକ କମିଟି ଆଗରେ ଥିବା ଚୌକିରେ । ଆରମ୍ଭ ହେଲା ପ୍ରଶ୍ନ ।
ପ୍ରଶ୍ନ ୧ :~ ତୁମେ କେବେ ଜନ୍ମ ହୋଇଥିଲ ?
ଉତ୍ତର :~ ପ୍ରଚେଷ୍ଟା ତ ବହୁ ଆଗରୁ ଚାଲିଥିଲା ,କିନ୍ତୁ ସଫଳ ହେଲା ୧୯୪୭ ମସିହା ରେ ।
ଏଁ , ଇଯେ କି କଥା !!!!!!!!!!!!ହଡବଡ଼େଇ ଗଲେ ପଚାରିଥିବା ଅଫିସର ଜଣକ । ତେବେ ଆଗକୁ ପଚାରିଲେ ,
ପ୍ରଶ୍ନ ୨ :~ ତୁମ ବାପା ଙ୍କ ନାମ କଣ ?
ଉତ୍ତର :~ ଅନେକ ଅନେକ ଲୋକ ସମ୍ପୃକ୍ତ ଥିଲେ ଯାହାଙ୍କ ଅବଦାନ ଥିଲା । ତେଣୁ ମୁଁ ଯଦି ଗୋଟିଏ ନାମ ନେବି ତାହା ଅନ୍ୟ ମାନଙ୍କ ପ୍ରତି ଅବିଚାର ହେବ ।
ଅକଲଗୁଡୁମ୍ ସବୁ ଅଫିସରଙ୍କ । ମୁହଁ ଚାହାଁ-ଚୁହିଁ ହୋଇ ଦେଖୁଥାନ୍ତି ପରସ୍ପର ଆଡେ । ଚେୟାରମ୍ଯାନ ଆଉ ସାମ୍ଭାଳି ପାରିଲେନି !
ରାଗିକି ନିଜେ ପଚାରିଦେଲେ ..... !
ତୁମେ ପାଗଳ ଟିଏ କି ?
ଉତ୍ତର :~ ଆଜ୍ଞା ଗୋଟିଏ କମିଟି ଏହି ବିଷୟ ନେଇ ଅନୁସନ୍ଧାନ ଜାରି ରଖିଛି । ମୁଁ ଏହାର ରିପୋର୍ଟ ଦେଖି ସାରିଲେ ସଠିକ ଉତ୍ତର ଦେଇ ପାରନ୍ତି ।
ଆରେ ! , ଆରେ .... ! କିଏ ଅଛରେ ? ୟାକୁ ନେଇ ବାହାରେ ଛାଡ଼ି ଆସ ଶୀଘ୍ର .........................
