╔⏤⏤⏤╝❀╚⏤⏤⏤⏤╗
ଶିବ ପୁରାଣ
ପ୍ରଥମ ଖଣ୍ଡ
【ଭାଗ -୨୧】 ╚⏤⏤⏤⏤╗❀╔⏤⏤⏤⏤╝
#ପ୍ରକୃତି_ଦେବୀଙ୍କ_ମାହାତ୍ମ୍ୟ_ବର୍ଣ୍ଣନ
⋆⋄✧⋄⋆⋅⋆⋄✧⋄⋆⋅⋆⋄✧⋄⋆⋅⋆⋄✧✧⋄⋆⋅⋆⋄✧⋄⋆⋅⋆⋅⋆⋄✧
ନୈମିଷା ଅରଣ୍ୟରେ ଏକତ୍ରିତ ହୋଇଥିବା ସକଳ ଋଷିମାନେ ସନତ କୁମାର ଙ୍କୁ ପଚାରିଲେ -ହେ ମୁନିଶ୍ରେଷ୍ଠ !ଆମ ମାନଙ୍କ ମନରେ ଏକ କଥା ଶୁଣିବାକୁ ଇଛା ହେଉଛି ।ଆମର ଭାଗ୍ୟ ଯେ ତୁମକୁ ଆମ ନିକଟରେ ପାଇଛୁ ।ହେ ଦେବ !ଆମକୁ ନିରାଶ ନକରି କୁହନ୍ତୁ ।ଶିବ ପୁରାଣ ଶୁଣି ଆମ ମାନଙ୍କ ମନ ତୋଷ ହେଉ ।ଭୋ ଦେବ !ଶିବ ଭଗବାନ ହେଲେ ଜଗତର ପିତା !ପାର୍ବତୀ ହେଲେ ପ୍ରକୃତି ! ଶିବ ଓ ପାର୍ବତୀ ଏହି ବ୍ରହ୍ମାଣ୍ଡର ପିତାମାତା ଅଟନ୍ତି ! ଏହି କାରଣରୁ ପ୍ରକୃତି ଦେବୀ ଙ୍କ ମହିମା ଆମକୁ ବିସ୍ତାର କରି କୁହନ୍ତୁ ?। ଆମକୁ ତାଙ୍କ ବିଷୟରେ କହି ତୋଷ କର ବ୍ରହ୍ମା ନନ୍ଦନ ।
ଋଷିମାନଙ୍କ କଥା ଶୁଣି ଧାତା କୁମର ଅତି ହରଷ ରେ କହିଲେ -ହେ ଯତି ମାନେ !ତୁମେ ବଡ଼ ଗହନ କଥା ପଚାରୁ ଅଛ ?। ଯେଉଁ କଥାକୁ ସ୍ୱୟଂ ବ୍ରହ୍ମା ତାଙ୍କ ଚାରି ମୁଖରେ ବର୍ଣ୍ଣନା କରି ପାରନ୍ତି ନାହିଁ ମୁଁ ତାଙ୍କରି ସୁତ ହୋଇ ତୁମକୁ ଏସବୁ କିପରି କହିବି ?। ହେ ଋଷିଗଣ କେବଳ ଶିବ ଭଗବାନଙ୍କ ଠାରୁ ଶୁଣିଥିଲି ବୋଲି ତୁମ ଆଗେ କହିବାକୁ ସକ୍ଷମ ହେଉଛି । ଦୟାବହି ସେ ମହାଦେବ ଏ ବିଷୟରେ ଯାହା କହିଛନ୍ତି ସେଥିରୁ କିଞ୍ଚିତ କହିବି ।ତୁମେମାନେ ଧୀର ସ୍ଥିର ହୋଇ ଶୁଣ ।
ସନତ କହିଲେ -ସତ ,ରଜ ,ତମ ଗୁଣ ହେଉଛନ୍ତି ପ୍ରକୃତି ମାତା ।ବ୍ରହ୍ମାଣ୍ଡ ଭିତରେ ସେହିଁ ଏକା କାରେଣି ଅଟନ୍ତି । ସେ ହିଁ ନାରୀ ବୋଲାନ୍ତି ଓ ସେହିଁ ପୁରୁଷ ବୋଲାନ୍ତି ।ସେହିଁ ହର ପାର୍ବତୀ ଅଟନ୍ତି ।ସେହିଁ ଅନାଦି ଓ ଆଦି ନାମରେ ନାମିତ ହୁଅନ୍ତି ।ତାଙ୍କ ଦିବ୍ୟଜ୍ୟୋତି ସବୁଠାରେ ବିରାଜ କରୁଥାଏ । ସେହିଁ ପ୍ରକୃତି ଠାରୁ ଜାତ ହୋଇବାରୁ ତାଙ୍କରି ଗୁଣ କୁ ସେ ନିତି ଭୁଞ୍ଜନ୍ତି । ପ୍ରକୃତିର ବାମ ଅଙ୍ଗରୁ ନାରୀ ଜାତ ହୁଏ ।ପ୍ରକୃତିର ଦକ୍ଷିଣ ଅଙ୍ଗରୁ ପୁରୁଷ ଜାତ ହୁଏ । ସେହିଁ ଶିବଙ୍କ ମହିଷୀ ଓ ଗଣେଶ ଙ୍କ ମାତା ଅଟନ୍ତି । ଲକ୍ଷ୍ମୀ ରୁ ଯେ ବିଷ୍ଣୁଙ୍କର ସେ ବନିତା ଅଟନ୍ତି । ସେହିଁ କୃପାମୟୀ ସେହିଁ ମଙ୍ଗଳ ଦାୟିନୀ ଅଟନ୍ତି ।ସେ ଭବାନୀ ଅଟନ୍ତି ।ସେହିଁ ସମସ୍ତଙ୍କ ମନ କାମନା
ପୂରଣ କରନ୍ତି ।ସତ୍ୟ ଦୟା ଧର୍ମ ଯଶ ସୁଖ ରେ ସେ ମୋହ ଦାତ୍ରୀ ଅଟନ୍ତି ।ଲୋଭ ମୋହ ଅହଙ୍କାର କାମ ରେ ସେ କ୍ରୋଧି ହୁଅନ୍ତି ।ସେହିଁ ପରମ ବୈଷ୍ଣବୀ ,ଛାୟା ,ମାୟା ସ୍ୱରୂପିଣୀ ଅଟନ୍ତି । ସେହିଁ କ୍ଷାନ୍ତି ,ଶାନ୍ତି ଧୃତି ଓ ପାପ ବିନାଶିନୀ ଅଟନ୍ତି । ବିଷ୍ଣୁଙ୍କ ମନ୍ଦିରରେ ସେହିଁ ନାରାୟଣୀ ଅଟନ୍ତି ।ଇନ୍ଦ୍ରପୁରରେ ସେ ଶଚି ରୂପ ଧରନ୍ତି ।ରାଜ ଗୃହ ମାନଙ୍କରେ ସେହିଁ ରାଜଲକ୍ଷ୍ମୀ ଅଟନ୍ତି । ପାପୀ ଘରେ ସେହିଁ ଅଲକ୍ଷ୍ମୀ ଅଟନ୍ତି । ସୃକୃତି ଙ୍କ ଘରେ ସେ ଗୃହ ଧାରୀ ଅଟନ୍ତି । ସେହିଁ ପଣ୍ଡିତ ମାନଙ୍କ ବୁଦ୍ଧି ଅଟନ୍ତି । ଭକ୍ତ ମାନଙ୍କ ଘରେ ସେ ଶୋଭା ପାଆନ୍ତି । ମୁନି ଜନ ମାନଙ୍କୁ ସେ ମୁକ୍ତି ଲାଭ କରାନ୍ତି । ସେହିଁ ସାଧୁ ମାନଙ୍କର ଶ୍ରଦ୍ଧା ଓ କୁଳିନୀ ର ଲଜ୍ୟା ଅଟନ୍ତି ।ଜଗତ ସାରା ସେ ମାଆ ରୂପରେ ପୂଜା ପାଆନ୍ତି । ଗାୟତ୍ରୀ ,ସାବିତ୍ରୀ ,ସତୀ ଭାରତୀ ପାର୍ବତୀ ,ସ୍ୱାହା ,ସ୍ୱଧା , ଜାନକୀ ଅଦିତୀ ସମସ୍ତେ ପ୍ରକୃତି ଅଂଶ ରୁ ଜାତ ହୋଇଛନ୍ତି ।ଭିନ୍ନ ଭିନ୍ନ ନାମ ଧରି ସମସ୍ତେ ଥାଆନ୍ତି ।ହେ ଋଷି ଗଣ !ଏ ସମସ୍ତଙ୍କର ଜନ୍ମ କଥା କହୁଛି ଶୁଣ ।ଏହି ପୁଣ୍ୟମୟ ଗାଥା ସାବଧାନ ହୋଇ ଶୁଣ ।
ପାର୍ବତୀ ଦେବୀଙ୍କ ଜନ୍ମ ହିମାଳୟ ରେ ।ଶିବ ତାଙ୍କୁ ସ୍ନେହରେ ନିଜ ଅଙ୍ଗରେ ବହି ଥାନ୍ତି । ଜଗତ ଜନନୀ ମାତା ସେ ହୈମବତୀ ଅଟନ୍ତି ।ଋଷିମାନେ ତାଙ୍କର ଅଭୟ ଚରଣ ଙ୍କୁ ବନ୍ଦନା କରନ୍ତି । ବେଦ ରୁ ଜନ୍ମ ହୁଅନ୍ତି ଗାୟତ୍ରୀ ,ସାବିତ୍ରୀ।ଗାୟତ୍ରୀ ଓ ସାବିତ୍ରୀ ଏ ଦୁଇଜଣ ଯୁବତୀ ବ୍ରହ୍ମା ଙ୍କ ମନ କୁ ମୋହିଲେ । ଧବଳାଙ୍ଗୀ ସରସ୍ୱତୀ ବ୍ରହ୍ମାଙ୍କ ଝିଅ ଅଟନ୍ତି ।ଯାହାର ପାଦରେ ତିନିପୁରର ସିଦ୍ଧ ମୁନି ମାନେ ବନ୍ଦନା କରନ୍ତି ।ଯାହାର ଆଜ୍ଞାରେ ମୂର୍ଖ ମହା ପଣ୍ଡିତ ହୁଏ ।ସେହି ଦେବୀ ନାରାୟଣ ଙ୍କ ମନ କୁ ମୋହିଥିଲେ ।ସରସ୍ୱତୀ ଯାହାକୁ ସୁଦୟା କରନ୍ତି ତା ହୃଦୟରେ କବିତା ଲେଖିବାର ଶକ୍ତି ଆସେ । ଗୀତ ବାଦ୍ୟ
ନାଟ୍ୟ ସୁସଙ୍ଗୀତ ଯେତେ ତାକୁ ସବୁ ଜନହିତ ପାଇଁ ସରସ୍ୱତୀ ସୃଷ୍ଟି କଲେ ।ସରସ୍ୱତୀ ଙ୍କ ଗୁଣ ଆଲୋକିତ ଅଟେ ।
ଋଷି ସନତ କହିଲେ ହେ ତପିଗଣ !ଏବେ ଦକ୍ଷ କନ୍ୟା ମାନଙ୍କର କଥା କହୁଛି ଶୁଣ । ଦକ୍ଷ ଙ୍କ ଦୁହିତା ଥିଲେ ସ୍ୱାହା ,ଅଗ୍ନି ,ପ୍ରିୟବତୀ ।ଯାହାଙ୍କ ନାମ ବ୍ରାହ୍ମଣ ଉଚ୍ଚାରଣ କରି ଆହୁତି ଦିଅନ୍ତି ।ସ୍ୱାହା ବିନା ଘୃତଆହୁତି ପ୍ରଦାନ କଲେ ସେଥିରେ ଦେବତା ମାନେ ସନ୍ତୋଷ ହୁଅନ୍ତି ନାହିଁ । ଏହି କାରଣରୁ ହୋମ ସମୟରେ ସ୍ୱାହା ନାମ ଧରି ଇଷ୍ଟ ଦେବତା ଙ୍କୁ ସ୍ମରଣା କରି ଆହୁତି ଦିଅନ୍ତି । ଏହି ସ୍ୱାହା ଥିଲେ ଧର୍ମଙ୍କ ଭାରିଯା । ତାଙ୍କରି ପାଇଁ ପ୍ରଜାମାନେ ଧର୍ମ ମାର୍ଗ ରେ ଯାଆନ୍ତି
ଶ୍ରାଦ୍ଧ ରେ ପିତୃପୁରୁଷଙ୍କୁ ପିଣ୍ଡ ଦାନ କଲାବେଳେ ସୁଧା ନାମ ଉଚ୍ଚାରଣ କଲେ ସେ ପିଣ୍ଡ ପ୍ରାପ୍ତ ହୁଏ । ସ୍ୱଧା ବିନା ପିତୃକର୍ମ ନିଶ୍ଚଳ ହୁଏ ।ଏଣୁ ପିତୃକର୍ମ ବେଳେ ସ୍ୱଧା ହିଁ ମୂଳ ଅଟନ୍ତି ।
ହେ ଋଷିଗଣ !ପୁଲେମା ଅସୁର ଅଂଶ ରେ ଶଚୀ ଦେବୀ ଙ୍କ ଜନ୍ମ ହୋଇଥିଲା ।ଶଚୀ ଦେବୀ ତାଙ୍କ ରୂପ ଓ ଗୁଣରେ ଇନ୍ଦ୍ର ଦେବଙ୍କ ଚିତ୍ତ କୁ ହରି ରାଜଲକ୍ଷ୍ମୀ ଅମର ଭୁବନରେ ବୋଲାନ୍ତି । ଅନ୍ୟ ନାରୀ ମାନେ ତାଙ୍କ ସହ ସମାନ ହୋଇ ପାରିବେ ନାହଁ । ବୃଷଭାନୁ ଅଂଶ ରେ ପ୍ରେମମୟୀ ରାଧାଙ୍କର ଜନ୍ମ ।ସେହି ମହାମାୟୀ ଶ୍ରୀକୃଷ୍ଣ ଙ୍କୁ ମୋହ କରି ବିବାହ ହୁଅନ୍ତି ।ଜନକ କୁମାରୀ ସୀତା ଶ୍ରୀରାମଙ୍କ ପାଟ ରାଣୀ ଅଟନ୍ତି ।ରାବଣ କୁ ମାରି ତ୍ରିଜଗତ ସେହିଁ ରକ୍ଷା କରନ୍ତି । ଦକ୍ଷ ପ୍ରଜାପତି ଙ୍କ କନ୍ୟା ଆଦିତୀ କଶ୍ୟପ ଙ୍କୁ ବିବାହ କରି ଦେବତା ମାନଙ୍କ ମାତା ହେଲେ । କଶ୍ୟପ ଙ୍କ ଜ୍ୟେଷ୍ଠ ରାଣୀ ଙ୍କ ନାମ ଦିତି ।ଏହି ଦିତି ମଧ୍ୟ ଦକ୍ଷଙ୍କ ଝିଅ ଓ ଅସୁରଙ୍କ ମାତା ଅଟନ୍ତି ।ହିମାଳୟ ଗିରିସୂତା ହେଲେ ପ୍ରକୃତି ।ପାପ ବିନାଶିନୀ ଓ ବିଷ୍ଣୁ ଙ୍କ ମନ ମୋହିନୀ ମଧ୍ୟ ଅଟନ୍ତି । ସେହିଁ ସଂସାର ରେ ଜନ୍ମ ହୋଇ ଗଙ୍ଗା ନାମ ରେ ନାମିତ ହେଲେ ।ଗଙ୍ଗାରେ ସ୍ନାନ କଲେ ମୁକ୍ତି ହିଁ ମିଳିଥାଏ ।ଯାହାର ଜଳ ଜଗତ କୁ ପବିତ୍ର କରେ ସେ ହେଉଛି ଗଙ୍ଗା । ଯାହାକୁ ମସ୍ତକ ରେ ବିଶ୍ଵନାଥ ବହନ କରିଛନ୍ତି । ଭୀଷ୍ମ ଙ୍କ ମାତା ହେଲେ ଶାନ୍ତନୁ ଙ୍କ ପତ୍ନୀ ।ଯାହାର ନାମ ପତିତପାବନୀ ବୋଲି ଜଗତ ରେ ଖ୍ୟାତି ଅଛି । ତୁଳସୀ ନାମରେ ଯେଉଁ ମହିଳା ଖ୍ୟାତ ସେ ହେଉଛନ୍ତି ବିଷ୍ଣୁଙ୍କର ଗଳାମାଳା ।ଯାହାକୁ ସେବନ କଲେ ଲୋକମାନେ ମୁକ୍ତି ହୁଅନ୍ତି ।
ସନତ ଋଷି କହିଲେ ହେ ତପିଗଣ ବର୍ତ୍ତମାନ ମୋର ସନ୍ଧ୍ୟା ସମୟ ଆସିଗଲାଣି ।ଏହିଠାରେ କଥା କୁ ଆଜି ପାଇଁ ବିଶ୍ରାମ ଦେବା ।
କ୍ରମଶଃ...............
✦ ❤ ✦••┈•ଓଁ ନମଃ ଶିବାୟଃ•┈••✦ ❤ ✦••┈•
