ପୁସ୍ତକ - 121
ଖଣ୍ତେ କାଗଜରୁ ଉତ୍ପତି ତାହାର
ପୁସ୍ତକ ଅଟେ ତା ନାମ
ଜନହିତ ପାଇଁ ସର୍ବଦା ଯେ ସିଏ
ଆସୁଥାଏ ପୁଣି କାମ
ଚାଟଶାଳିରେ ସେ ଶିଶୁଙ୍କର ପ୍ରିୟ
ମନ୍ଦିରେ ପୁରାଣ ଗୀତା
ତା ଠାରୁ ଶିଖନ୍ତି ସବୁ କିଛି ଆମେ
ଏମିତିକା ତାର ଗାଥା
ଶିଶୁ ଠାରୁ ବୃଦ୍ଦ ସବୁରି ସେ ପ୍ରିୟ
ଶିଖାଏ ଯେ ମାତୃଭାଷା
ତା ପାଇଁ ମଣିଷ ସବୁ କିଛି ଜାଣେ
ବାନ୍ଧେ ପୁଣି ନୂଆଁ ଆଶା
- ଜଗବନ୍ଧୁ ସାହୁ
ତୁମେ ଜ୍ଞାନ ଗଙ୍ଗା ସର୍ବ ଗୁଣେ ରଙ୍ଗା
ତନ ମନେ ତିନିପୁରେ
ସ୍ୱର୍ଣ୍ଣାକ୍ଷରେ ସଜ୍ଜା ପ୍ରଗତି ପ୍ରାଯୁର୍ଜ୍ୟା
ଅକ୍ଷରର ଅଳଙ୍କାରେ
କଥା କିମ୍ବଦନ୍ତୀ ପୁରାଣ ସଂସ୍କୃତି
ଲେଖା ତୁମ ବୁକୁପରେ
ପବିତ୍ର ପୁସ୍ତକ ଚତୁର ଚମକ
ଚିରସ୍ଥାୟୀ ଚରାଚରେ
-ଦାଶରଥି ସାହୁ
ପାଠକ ବୁଝଇ ପୁସ୍ତକ ମହତ
ଅନ୍ୟମାନେ ବୁଝନ୍ତିନି
ବାଣ୍ଟିଚାଲେ ସିଏ ସମସ୍ତଙ୍କୁ ଜ୍ଞାନ
ନ ଦେଖି ଗରିବ ଧନୀ
କାହିଁ କେତେ ଶିକ୍ଷା ଦିଏ ସେ ଆମକୁ
ଜୀବନେ ବଞ୍ଚିବା ପାଇଁ
ତା' ପରିକା କେହି ଆପଣାର ବନ୍ଧୁ
ଜଗତେ ମିଳିବେ ନାଇଁ
- ରାମ ଚନ୍ଦ୍ର ପ୍ରଧାନ
ଅଜ୍ଞାନ ଅନ୍ଧାର ଦୂର ହୋଇଯାଏ
ମିଳେ ମୁକ୍ତି ପାଇଁ ପଥ
ମାନବ ଯଦ୍ୟପି ବନ୍ଧୁତା କରଇ
ପୁସ୍ତକ ସହିତ ନିତ୍ୟ
ପୁରାଣ ବର୍ଣ୍ଣିତ ଅନେକ ଚର୍ଚ୍ଚିତ
କଥାର ମିଳେ ଉତ୍ତର
ସର୍ବ ଶ୍ରେଷ୍ଠ ବନ୍ଧୁ ମାନବର ପୁଣି
ଯଥାର୍ଥ ରହିଛି ତାର
- ଟୁକୁନା ସାହୁ
ତାଳପତ୍ର ପରେ କାଗଜରେ ଗଢା
ସୁନ୍ଦର ତା' କଳେବର
ବିଜ୍ଞାନ ଯୁଗରେ ପିଡିଏଫ୍ ବୋଲି
ଆଦର ତା' ସଭିଙ୍କର
ସାହିତ୍ୟ ସଂସ୍କୃତି ସଭ୍ୟତା ବିଜ୍ଞାନ
ସବୁରି ଆଧାର ପୁସ୍ତକ
ଅଜ୍ଞାନ ଅନ୍ଧାରେ ଆଲୋକିତ ଧାରା
ଏହାହିଁ ଅଟେ ବାସ୍ତବ
- ସନ୍ତୋଷ ପଟ୍ଟନାୟକ
ପୁସ୍ତକ ଶିଖାଏ ଜୀଇଁବାର କଳା
ଜୀବନର ଗତିବିଧି
ମଣିଷ ମସ୍ତିଷ୍କେ ଜ୍ଞାନକୁ ପରଶି
ଜୀବନ କରଇ ସିଦ୍ଧି
ଯେତେ ଶାସ୍ତ୍ର ବିଦ୍ଯା ବେଦ ଚତୁର୍ବେଦ
ତହିଁରେ ଲିଖିତ ଗପ
ପାଠକ ମନରେ ଆବଦ୍ଧ ହୁଅଇ
କରିଲେ ତାହାକୁ ଜପ
- ରବିନ୍ଦ୍ର ସାହୁ
ଅକ୍ଷରରୁ ଶବ୍ଦ, ଶବ୍ଦ ଠାରୁ ବାକ୍ୟ
ପାରାରୁ ବିଷୟ ସୃଷ୍ଟି ,
ପାଣ୍ଡୁଲିପି ଠାରୁ, ଗ୍ରନ୍ଥମାଳା ଶେଷେ
ପୁସ୍ତକ ରୂପେ ଉତ୍ପତ୍ତି
ରହେ ସଂରକ୍ଷଣ ,ଯେତେ ଜ୍ଞାନ ଗୁଣ
ପୁସ୍ତକ ଅମୂଲ୍ୟ ରତ୍ନ ,
ପୁସ୍ତକର ମୂଲ୍ୟ ,ଯେ ଜନ ବୁଝିଛି
ସର୍ବଦା ଉଚ୍ଚେ ତା' ସ୍ଥାନ ।
- ପ୍ରବୀର ମଲ୍ଲିକ୍
ବ୍ରହ୍ମା ବରଦାନେ ଭୂଲୋକେ ମନୁଙ୍କୁ
ଅର୍ପିଥିଲେ ଚାରିବେଦ
କ୍ରୁର ହୟଗ୍ରୀବ ଅପହରଣରେ
ବନ୍ଦିଥିଲେ ଜ୍ଞାନଦେବ
ଜଳ ପ୍ରଳୟରେ ମତ୍ସ୍ୟ ଅବତାରେ
ରକ୍ଷା କଲେ ଚକ୍ରଧର
ଋକ୍ ,ଶାମ,ଅଥର୍ବ ଓ ଯଦୁର୍ବେଦ
ପୁସ୍ତକ ଜ୍ଞାନର ଆଧାର
‐ ରାଧା କୃଷ୍ଣ ବାୟକ
No comments:
Post a Comment