ସଂସାରେ ଭାସ୍କର ସଦା ଶ୍ରେୟସ୍କର
ତିନିପୁରେ ତେଜିୟାନ
ଆଲୋକର ଆଭା ଭୂମଣ୍ତଳ ଶୋଭା
ଜାଣିଛି ଜଡ ଚେତନ
ଅନୁଭବେ ନୁହେଁ ଦୃଶ୍ୟମାନ ଯିଏ
ଚଳନ୍ତିଟେ ଚରାଚରେ
ସଂଧ୍ୟ୍ୟା,ଛାୟା ବର ହନୁ ଗୁରୁବର
ତୋଷ ସଦା ନମସ୍କାରେ
- ଦାଶରଥି ସାହୁ
ଆଲୋକର ସତ୍ତା ଦିଗ ନିର୍ଣ୍ଣୟତା
ପଞ୍ଚଦେବ ମଧ୍ୟେ ଉଭା
ଜୀବନ ଆଧାର କେବଳ ଭାସ୍କର
ଘେନି ଭୁମଣ୍ଡଳ ଆଭା
ଧନ୍ୟ ଅବଦାନ ନିତ୍ୟ ପୂଜ୍ୟମାନ
ନୂତନ ଆଶାର ଧାର
ସଂସାର ମଙ୍ଗଳେ ସିଏ ସଦାକାଳେ
ତାଙ୍କୁ କୋଟି ନମସ୍କାର
- ସନ୍ତୋଷ ପଟ୍ଟନାୟକ
ସର୍ବ ଶକ୍ତିମାନ ଆହେ ଅଂଶୁମାନ
ଦିନମଣି, ଦିବାକର
ତୁମରି ସ୍ପର୍ଶରେ ଜଡ଼ବି ଚେତନା
ଧନ୍ଯ ଧନ୍ଯହେ ଭାସ୍କର
ନୀଳ ଆକାଶର ବୁକୁଚିରି ତୁମେ
ଆଲୋକିତ କର ଧରା
ସୁନ୍ଦର ସୃଷ୍ଟିର ବିଚିତ୍ର ନିୟମ
ଅଦ୍ଭୁତ ଏ' ପରମ୍ପରା
‐ ରାଧା କୃଷ୍ଣ ବାୟକ
ତୁମେ ପାଇଁ ଧରା ହୁଏ ଆଲୋକିତ
ଅନ୍ଧାରରେ ତୁମେ ଜ୍ୟୋତି
ସକଳ ଶକ୍ତିର ତୁମେ ଯେ ଆଧାର
ତୁମ ବିନୁ ନାହିଁ ଗତି
ଭୂମି ଠାରୁ ଭୂମା ନାହିଁ ତ' ତୁଳନା
ଚଉଦିଗେ ତୁମ ଖ୍ୟାତି
ହେ ପୁଣ୍ୟ ଭାସ୍କର ସଦା ଚରାଚର
ଘେନ ମୋ ଭକ୍ତି ପ୍ରଣତି
- ରାମ ଚନ୍ଦ୍ର ପ୍ରଧାନ
ଉଦୟ ଆଭାର ସୁନେଲି କିରଣେ
ପ୍ରାଣ ଜାଗେ ପ୍ରତି ପ୍ରାଣେ
ଜୀବ ଜଗତର ସର୍ଜନା ସମ୍ଭବ
ସର୍ବ ପ୍ରାଣୀ ଅନୁକ୍ଷଣେ
ସସାଗରା ଧରା ହୁଏ ଆତ୍ମାହରା
ଦିବା ନିଶି ଋତୁ ଚକ୍ର
ସବୁ କିଛି ଶ୍ରେୟ ସେହି ଶକ୍ତି ମୟ
ଗ୍ରହ ଶ୍ରେଷ୍ଠ ସେ ଭାସ୍କର
- ପ୍ରବୀର ମଲ୍ଲିକ୍
ତୁମେ ହିଁ ଭାସ୍କର , ସୂର୍ଯ୍ଯ ,ଦିବାକର
ତୁମେ ରବି, ଅଂଶୁମାନ
ତୁମେ ହିଁ ତ ସତ୍ଯ ଆଦି ଆଧିପତ୍ଯ
ଦୃଶ୍ୟହେବା ଭଗବାନ
ସମ୍ଭବ ତ' ଏଇ ଦିବସ ରଜନୀ
ତୁମରି ସକାଶେ ପ୍ରଭୁ
ତୁମ ଅବଦାନ ପୂଜ୍ଯ ଚିରନ୍ତନ
ପ୍ରଣତି ଘେନ ମୋ ଭବୁ
- ରବିନ୍ଦ୍ର ସାହୁ
ତୁମ ପାଇଁ ଏଠି ହୁଏ ଦିନ-ରାତି
ତୁମେ ସର୍ବ ଚରାଚ଼ର
ସଂସାର ହିତରେ ଯୋଡ଼ି ରହିଅଛ
ଧନ୍ଯ ତୁମେ ହେ ଭାସ୍କର
ନିତ୍ଯ ପୂଜିତ ହେ ଚିର ବନ୍ଦନୀୟ
ତୁମେ ପୁଣି ଅଂଶୁମାନ
ତୁମକୁ ପୂଜିଲେ ଦୂରେ ରୋଗବ୍ଯାଧି
ହୁଏ ମନସ୍କାମ ପୂର୍ଣ୍ଣ
- ଜଗବନ୍ଧୁ ସାହୁ
ଆଠ ଗୋଟି ଗ୍ରହ ମଧ୍ୟେ ଅବସ୍ଥାନ
ଜ୍ବଳନ୍ତ ଅଗ୍ନି ପିଣ୍ଡୁଳା
ବୃକ୍ଷ ପଶୁ-ପକ୍ଷୀ ମାନବ ଜୀବନ
ସଭିଙ୍କ ଜୀବନ ଭେଳା
ପୂରୁବ ଦିଗରେ ଉଦୟ ତୁମରି
ଭାସ୍କର ନାମକୁ ବହି
ପ୍ରଚଣ୍ଡ ହୋଇଲେ ତୁମରି କିରଣ
ଶୁଭେ ଖାଲି ତ୍ରାହି ତ୍ରାହି
- ଟୁକୁନା ସାହୁ
No comments:
Post a Comment