ପିତୃଭକ୍ତି - 112
ପିତୃଭକ୍ତି ବଳେ ମର୍ଯ୍ୟାଦା ପୁରୁଷ
ରାଜା ଶ୍ରେଷ୍ଠ ରାମଚନ୍ଦ୍ର
ଶ୍ରବଣ କୁମାର ପିତୃ ମାତୃ ଭାର
ସନ୍ତାନ ସମ୍ନାନାସ୍ପଦ
ପିତୃ ମାତୃ ସେବା ଯାହା ହୃଦେ ଉଭା
ଦୁଃଖ କଷଣ ଛୁଏଁନା
ପିତୃ ଭକ୍ତି ବଳେ ପୁତ୍ର ସଦା ସୁଖୀ
ମାଟି ଛୁଇଁ ଦେଲେ ସୁନା
- ପ୍ରବୀର ମଲ୍ଲିକ୍
ପିତୃଭକ୍ତି ଭାବ ହୃଦୟରେ ବହି
ଚଳିଲେ ସଂସାର ହାଟ
ଆପେ ଫିଟିଯାଏ ସବୁ ସମସ୍ୟାର
ସୁକ୍ଷ୍ମ ସମାଧାନ ବାଟ...
ପିତୃଭକ୍ତି ବଳେ ପୁତ୍ର ଲଭେ ସୁଖ
ସବୁ ଦୁଃଖ ଟାଳି ଦେଇ
ବେଙ୍ଗି ପିତଳ ବି ହୋଇଯାଏ ସୁନା
ତାଙ୍କରି ପରଶ ପାଇ
- ରାମଚନ୍ଦ୍ର ପ୍ରଧାନ
ସମାଜେ ସମ୍ମାନ ପରିଚୟ ମିଳେ
ପିତୃ ଭକ୍ତି ଥିଲେ ହୃଦେ
ପିତାଙ୍କୁ ସମ୍ମାନ ମିଳେ ନାହିଁ ଯେବେ
କୁଳ କୁଟୁମ୍ବକୁ ବାଧେ
ପିତା ଯଦି ହୁଏ ଲମ୍ପଟ ମାନବ
ପୁତ୍ରଙ୍କ ଦିନ ଅସରା
କୁଳ ଗୋତ୍ର ନାମ କଳଙ୍କିତ ହୁଏ
ନାକ ଟେକି ହସେ ଧରା
- ଟୁକୁନା ସାହୁ
କଥା ପିତୃଭକ୍ତି ଜାଣିଛି ଜଗତୀ
ପୁରୁଣା ଠାରୁ ପୁରାଣ
କାନ୍ଧେ ବାପା ମାଆ ଆହ୍ଲାଦିତେ ହିଆ
ସୁସନ୍ତାନ ଟେ ଶ୍ରବଣ
ଚଉଦ ବରଷ ଆହା ବନବାସ
ତ୍ରେତୟେ ନିରେଖି ଚାହଁ
ଶାଶ୍ୱତେ ଶ୍ରୀରାମ ଆଦ୍ୟ ଅନୁଗାମ
ପିତୃଭକ୍ତି ପରିଚୟ
- ଦାଶରଥି ସାହୁ
ପିତୃଭକ୍ତି ଅଟେ ଆଦର୍ଶ ଆମର
ଜୀବନର ଚଲାବାଟ
ପିତୃଭକ୍ତି ବିନା ନିରସ ଜୀବନ
ନିଶ୍ଚିତ କଷଣ ଛାଟ
ରାମ ପ୍ରହଲ୍ଲାଦ ଆଦି କେତେ ଗାଥା
ପୁରାଣରେ ଅଛି ଲେଖା
ବୃଦ୍ଧାଶ୍ରମ ଗଢ଼ି ଆଜିର ମଣିଷ
ସମାଜକୁ ଦିଏ ଶିକ୍ଷା
ଘେନି ଶ୍ରବଣ ଗାଥା
ସଂସ୍କୃତି ସଂସ୍କାର ପରିପୂର୍ଣ୍ଣ ହେଉ
ନେଇ ପିତୃଭକ୍ତି ଦୀକ୍ଷା ....
- ସନ୍ତୋଷ ପଟ୍ଟନାୟକ
ଥିଲେ ପିତୃଭକ୍ତ ଅଯୋଧ୍ୟା ନରେଶ
ପ୍ରଭୁ ସୀତାପତି ରାମ
ପିତୃ ସତ୍ଯ ପାଳି ବନବାସ ଯାଇ
ରଖିଲେ ପିତାଙ୍କ ମାନ
ପିତୃଭକ୍ତ ମଧ୍ଯ ପର୍ଶୁରାମ ଥିଲେ
ପୁରାଣ କହେ ଏ କଥା
ପିତାଙ୍କ ଆଦେଶେ ମସ୍ତକ ଛେଦିଣ
ମାତାଙ୍କୁ କରିଲେ ହତ୍ଯା
ମିଳେ ଏଇ ନୀତିଶିକ୍ଷା
ପିତାଙ୍କ ଆଦେଶ ପାଳିବା ଅଟଇ
ପୁତ୍ରଙ୍କର ଦିନଚର୍ଯ୍ୟା
- ରବିନ୍ଦ୍ର ସାହୁ
ସମାଜେ ସମ୍ମାନ ପରିଚୟ ମିଳେ
ପିତୃ ଭକ୍ତି ଥିଲେ ହୃଦେ
ପିତାଙ୍କୁ ସମ୍ମାନ ମିଳେ ନାହିଁ ଯେବେ
କୁଳ କୁଟୁମ୍ବକୁ ବାଧେ
ପିତା ଯଦି ହୁଏ ଲମ୍ପଟ ମାନବ
ପୁତ୍ରଙ୍କ ଦିନ ଅସରା
କୁଳ ଗୋତ୍ର ନାମ କଳଙ୍କିତ ହୁଏ
ନାକ ଟେକି ହସେ ଧରା
- ଟୁକୁନା ସାହୁ
ପିତାଙ୍କ ବଚନରଖି ପର୍ଶୁରାମ
ମାତାଙ୍କୁ ବଧିଲେ
ପିତୃସତ୍ୟ ରକ୍ଷା ପାଇଁ ରଘୁବୀର
ବନବାସ ଗଲେ
ନେତ୍ରହିନ ମାତା ପିତାଙ୍କୁ ଶ୍ରବଣ
କାନ୍ଧେ ବୋହୁଥିଲେ
ପିତୃଭକ୍ତି ନାହିଁ କଳିରେ ମାତା,ପିତା
ବୃଦ୍ଧାଶ୍ରମ ଗଲେ
- ରାଧା କୃଷ୍ଣ ବାୟକ
ହଜି ଯାଇ ଅଛି ତ୍ରେତୟା ଦ୍ବାପର
ନାହିଁ ଆଜି ପିତୃଭକ୍ତି
ବୁଦ୍ଧାଶ୍ରମ ନେଇ ଛାଡନ୍ତି ପିତାଙ୍କୁ
ଅଯୋଥାରେ କରି ଯୁକ୍ତି
ପିତୃଭକ୍ତି ନାହିଁ ଯାହାର ହୃଦୟେ
ପଶୁ ଠାରୁ ସିଏ ହୀନ
ତାରି ପାଇଁ କି ତା ପୁତ୍ର ଯେ ଦିନେ
ଖୋଲିଦେବ ବୁଦ୍ଧାଶ୍ରମ
- ଜଗବନ୍ଧୁ ସାହୁ
ମାତାଙ୍କ ଗରଭୁ ଲଭିଲି ଜନମ
ପିତାଙ୍କ କୋଳେ ବଢ଼ିଲି,
ସଂସ୍କାର ସଂସ୍କୃତି ପରମ୍ପରା ପାଠ
ଯେତେ ଯାହା ମୁଁ ଶିଖିଲି।
ତୁମ ନୀତି ଆଦର୍ଶ ପାଥେୟ କରି
ସଂସାର ଦାଣ୍ଡେ ଚାଲିଲି,
ଦିଅ ଆଶୀର୍ବାଦ ଜୀବନେ ମୋହର
ଚରଣେ ମଥା ପାତିଲି।
✍️ଅଧମ ନୀହାର ରଞ୍ଜନ ଆଚାର୍ଯ୍ୟ
No comments:
Post a Comment