⏤ ╔⏤⏤⏤╝❀╚⏤⏤⏤⏤╗
ଶିବ ପୁରାଣ
ପ୍ରଥମ ଖଣ୍ଡ
【ଭାଗ -୬】
╚⏤⏤⏤⏤╗❀╔⏤⏤⏤⏤╝
#ନର୍କମାନଙ୍କର_ବିବରଣ_ଓ_ନର୍କର_ବର୍ଣ୍ଣନା
✍ ଉପସ୍ଥାପନା; ଦୁଷ୍ମନ୍ତ କୁମାର ମିଶ୍ର
⋆⋅⋆⋄✧⋄⋆⋅⋆⋄✧⋄⋆⋅⋆⋄✧⋄⋆⋅⋆⋄✧✧⋄⋆⋅⋆⋄✧⋄⋆⋅⋆⋅⋆⋄✧
ଋଷି ଉବାଚ ......!!!!
ଧାତା ସୁତ ଙ୍କର ବାଣୀ ଶୁଣି ଋଷିମାନେ କହିଲେ- ହେ ତପିମଣି !ଆମେ ଆପଣଙ୍କ ଠାରୁ ସୃଷ୍ଟିର ଆରମ୍ଭ କଥା ଶୁଣିଲୁ ।ଏକଥା ଜାଣିଲୁ ଯେ ପ୍ରଳୟ ଶେଷରେ ସୃଷ୍ଟି କୁ ମହାଦେବ ସର୍ଜନା କରିଛନ୍ତି ।ତାପରେ ଆପଣଂକ ଠାରୁ ଧର୍ମାଧର୍ମ ବିଚାର ଶୁଣିଲୁ ।ଏହା ଜାଣିଲୁ ଯେ ଧର୍ମ ଯେଉଁ ପ୍ରାଣୀ କରେ ସେ ବ୍ରହ୍ମାଣ୍ଡ ରେ ଶ୍ରେଷ୍ଠ ପ୍ରାଣୀ ଅଟେ ।ଅଧର୍ମ ଜନେ ନର୍କ କୁଣ୍ଡରେ ପଡନ୍ତି ।ହେ ତପିବର !ସେହି ନର୍କ କୁ ଲୋକମାନେ କିପରି ଭୋଗ କରନ୍ତି ?ନର୍କ ର ନାମ ସବୁ କଅଣ କଅଣ ?। କେଉଁପରି ସେ ସବୁ ତିୟାର ହୋଇଛି ?।ଏସବୁ କୁ ଅନୁଗ୍ରହ କରି ଆମକୁ କୁହନ୍ତୁ ?।ଏ ସମସ୍ତ କଥା ଶୁଣିବାକୁ ଆମ ମନ ବଳିଛି । କେଉଁ କେଉଁ ପାପ କଲେ କେଉଁ ଦଣ୍ଡ ମିଳେ ଓ ଜନେ ତାହାକୁ ଭୋଗ କରେ ତାହା ବିସ୍ତାର କରି ଆମକୁ କୁହନ୍ତୁ ?।
ସନତ କୁମାର ଉବାଚ.............!!!
ଋଷିମାନଙ୍କର କଥାଶୁଣି ଧାତା ସୁତ ହସି ହସି କହିଲେ -ହେ ତପିଗଣ !ମୁଁ ଯାହା କହୁଛି ତାହାକୁ ମନ କର୍ଣ୍ଣ ଦେଇ ଶୁଣ ! କିପରି ନର୍କପୁର ତିଆରି ହୋଇଛି ସେ ବିଷୟରେ ମୁଁ ତୁମକୁ କହିବି । ସଞ୍ଜିବନୀ ପୁର ଭିନ୍ନ ଭିନ୍ନ ପ୍ରକାର ରେ ତିଆରି ହୋଇଛି ।ପାପୀ ମାନେ କେଉଁ ପାପ କଲେ କେଉଁ ଦଣ୍ଡ ନର୍କରେ ଭୋଗ କରନ୍ତି ତାହା ମୁଁ ଗୋଟି ଗୋଟି କରି ବିସ୍ତାରି କହୁଛି ଶୁଣ ।ମୁଁ ଯେତିକି ଜାଣିଛି ଓ ବୁଝିଛି ଯେତେ ଯେତେ ନର୍କ ମାନ ସଞ୍ଜିବନୀ ପୁରରେ ଅଛି ମୋ ପକ୍ଷରେ କହିବା ଦୁଃସାଧ୍ୟ ଅଟେ ।ତେବେ କେଉଁ କେଉଁ ନର୍କ ପ୍ରଧାନ ଅଟେ ତାହା ମୁଁ କହିବି ।ସଞ୍ଜୀବନୀ ପୁରରେ ଚୌରାଶୀ ପ୍ରକାର ମୁଖ୍ୟ ନର୍କ ଅଛି ।ସେଗୁଡିକ ହେଲା -କୁମ୍ଭୀପାକ ,ରୌରବ , ।ଏଦୁଇଟି ନର୍କ ରେ ମଳ ମୂତ୍ର କୁଣ୍ଡ । ଅନଳ ,ତପତ ଏ ଦୁଇଟି ଅଶ୍ରୁ ମଜ୍ଜା ଭାଣ୍ଡ । କୃମି ,ଶୋଣିତ ଓ ଅନ୍ୟାନ୍ୟ ବହୁତ ନର୍କ କୁଣ୍ଡ ଯମ ପୁରରେ ଅଛି । ଗୋଟିଏ ଗୋଟିଏ କୁଣ୍ଡରେ ପଚା ମାଂସ ପୁରି ବହୁତ ଦୁର୍ଗନ୍ଧ ହୁଏ ।କେଉଁ କୁଣ୍ଡରେ ରୁଧିର ତ କେଉଁ କୁଣ୍ଡରେ ପୂଜ ଭର୍ତ୍ତି ହୋଇଥାଏ ।କେଉଁ କୁଣ୍ଡରେ ତପ୍ତ ତୈଳ ,ଆଉ କେଉଁ କୁଣ୍ଡରେ ଯୋକ ମାନ ଚଳୁଥିବାର ଦେଖାଯାଏ । ଏହିପରି ଭାବେ ଯମ ପୁରରେ ବହୁତ ନର୍କ କୁଣ୍ଡ ଅଛି ।ଜନ୍ତୁରାଜ ପାପୀ ଙ୍କୁ ବାଛି ବାଛି ନର୍କ କୁଣ୍ଡରେ ପକାଏ ।
ଯେଉଁମାନେ ଜୀବନରେ ପରହିଂସା କରନ୍ତି ମୃତ୍ୟୁ ପରେ ସେମାନେ ଅନଳ କୁଣ୍ଡରେ ପଡନ୍ତି ।ଅନଳ କୁଣ୍ଡ ପ୍ରଜ୍ଵଳ ଶିଖାରେ ଦାଉ ଦାଉ ହୋଇ ଜଳୁଥାଏ ।ତପ୍ତ ଲୌହ ସେଠାରେ ପଡିଥାଏ ।ଏହି ଲୌହ ଗୁଡିକ ହେଙ୍ଗୁଳ ପରି ଦିଶୁଥାଏ ।ପରହିଂସା କରିଥିବା ପାତକୀ ଏହି କୁଣ୍ଡରେ ପଡନ୍ତି ।ପାପୀର ଦେହରେ ଯେତିକି ଲୋମ ଥାଏ ସେସବୁ ଯମରାଜ ଗଣି ସେତିକି କାଳ ଅଗ୍ନି କୁଣ୍ଡରେ ପକାଇ ଥାଆନ୍ତି ।ତାପରେ ଏହି ପାପୀ ପଶୁ ଯୋନି ରେ ଜନ୍ମ ନିଏ ।ତିନି ଜନ୍ମ ପଶୁ ଯୋନିରେ ଜନ୍ମ ହେଲା ପରେ ତାହାର କଷ୍ଟ ଦୂର ହୁଏ ।
ଯେଉଁମାନେ ଶୋଷି ଲୋକଙ୍କୁ ଜଳ ଦିଅନ୍ତି ନାହିଁ ସେହି ଲୋକ ମଲା
ପରେ ଜନ୍ତୁପତି ତାକୁ ଅପାର କଷ୍ଟ ଦିଅନ୍ତି ।ଏହି ପାପୀ ମଲା ପରେ
ଯମଦୂତ ମାନେ ତାକୁ ବାନ୍ଧି ନିଅନ୍ତି ।ତପ୍ତ କୁଣ୍ଡରେ ତାକୁ ପକାଇ ଦହ ନ କରନ୍ତି ।ସେହି ପାପୀକୁ ଶହେ ଜନ୍ମ ଯାଏ ଜନ୍ତୁପତି ପକ୍ଷୀ ଜନ୍ମ ଦିଅନ୍ତି ।
ଯେଉଁମାନେ ପିତୃଶ୍ରାଦ୍ଧ ଦିନ ଅତି ଆନନ୍ଦିତ ହୋଇ ନିଜର ପିନ୍ଧିଲା ବସନ କୁ ଧୋବା ଘରେ ପକାଏ ,ମୃତ୍ୟୁ ହେଲେ ସେହି ଲୋକକୁ ଯମ ଦୂତମାନେ ନେଇ ମାଡ଼ ମାରି କ୍ଷୀର କୁଣ୍ଡରେ ପକାଇ ଦିଅନ୍ତି ।ଏହି ଜନ ସାତଥର ଧୋବା ଘରେ ଜନ୍ମ ନିଏ ।ପ୍ରତି ଜନ୍ମ ରେ ସେ ନର୍କ ଭୋଗ କରେ ।
ଯେଉଁମାନେ ପରର ଧନ କୁ ହରେ ।ବଳତ୍କାର କରି ନାରୀ କୁ ଯିଏ ହରଣ କରେ ,ଦେବସ୍ୱ ,ବ୍ରହ୍ମସ୍ୱ ଯିଏ ବଳ ପୂର୍ଵକ ହରଣ କରେ ସେହି ଲୋକ ର ମୃତ୍ୟୁ ହେଲେ ଯମଗଣ ମାନେ ତାକୁ ବାନ୍ଧି ନେଇ ତାକୁ ବହୁତ ମାଡ଼ ମାରି ତା ଦେହରେ ଲୁହା କଣ୍ଟା ଫୋଡି ଦିଅନ୍ତି ।ତାପରେ ସେହି ପାପୀକୁ ନେଇ ବିଷ୍ଠା କୁଣ୍ଡରେ ପକାଇ ଦିଅନ୍ତି ।ସେ କେତେ କଷ୍ଟ ପାଏ ତାହା ମୁଖରେ କହିହେବ ନାହିଁ ।ଜନ୍ମ ଜନ୍ମାନ୍ତର ସେ ବିଷ୍ଠା ଖାଉଥାଏ ।
ଯେଉଁମାନେ ପର ପୋଖରୀ ରେ ଯାଇ ମାଟି ଖୋଳନ୍ତି ସେହି ପାପୀ କୁ ନେଇ ଯମଦୂତ ମାନେ ମୂତ୍ର କୁଣ୍ଡରେ ପକାଇ ଦିଅନ୍ତି ।ପାପୀ ମୂତ୍ର ପିଇ ବହୁ କଷ୍ଟରେ ମୂତ୍ର ପିଇ ଜୀବନ ଧରେ ।ଏହି ପାପୀ ସାତ ଥର ଗୋଧି ହୋଇ ଜନ୍ମ ନିଏ ।
ଯେଉଁମାନେ ମିଷ୍ଠାନ କୁ ଲୁଚାଇ ଗୋପନରେ ଖାଆନ୍ତି ମୃତ୍ୟୁ ପରେ ସେମାନେ ଚିର କାଳ ଶ୍ଳେଷ୍ମା କୁଣ୍ଡରେ ନର୍କ ଭୋଗ କରନ୍ତି ।ଯମରାଜ ତାହାକୁ ବହୁତ ଦଣ୍ଡ ଦିଅନ୍ତି । ତାହାର ହାଡ଼ କୁ ଲୁହା
ଶାବେଳି ରେ ବାଡେଇ ଭାଙ୍ଗି ଦିଅନ୍ତି । ସେହି ପାପୀ ଶହେ ବର୍ଷ ପ୍ରେତ ହୋଇ ବୁଲେ ।ମଲା ମଣିଷ ଙ୍କ ମାଂସ ,ରକ୍ତ ଖାଏ ।
ଯେଉଁମାନେ ଅତିଥି ଙ୍କୁ ଦ୍ୱାର ମୁହଁରୁ ଫେରାଇ ଦିଅନ୍ତି ସେମାନଙ୍କୁ ବ୍ରହ୍ମହତ୍ୟା ପାତକ ଲାଗେ ।ତା ହସ୍ତରୁ ପିତୃପୁରୁଷ ମାନେ ଜଳ ସ୍ପର୍ଶ କରନ୍ତି ନାହିଁ ।ଯମ ଦୂତମାନେ ସେହି ଲୋକଙ୍କୁ ବହୁତ ମାଡ଼ ଦିଅନ୍ତି । ଏହି ଲୋକ ଶହେ ବର୍ଷ ପୂତି ଗନ୍ଧ ନର୍କରେ ପଡେ ।ଶହେ ବର୍ଷ ପରେ ଏ ଲୋକ ଆସି ମର୍ତ୍ତ୍ୟରେ ଜନ୍ମ ହୁଏ ।ମର୍ତ୍ତ୍ୟରେ ଜନ୍ମ ହୋଇ ସାତଜନ୍ମ ଯାଏ ଦରିଦ୍ର ହୁଏ ।ଦ୍ୱାର ଦ୍ୱାର ବୁଲି ଭିକ ମାଗି ଖାଏ ।
ଯେଉଁମାନେ ବ୍ରାହ୍ମଣ କୁ ଦେଇଥିବା ଦାନ କୁ ହରଣ କରେ ସେ ଲୋକ ଯକ୍ଷ ନର୍କ କୁଣ୍ଡରେ ପଡି ବହୁତ କଷ୍ଟ ପାଏ। ଏହି ପାପୀ ମର୍ତ୍ତ୍ୟରେ ପୁଣି ଜନ୍ମ ନିଏ ।ମର୍ତ୍ତ୍ୟରେ କୃକଲାସ ହୋଇ ସାତଜନ୍ମ ନିଏ।
ଯେଉଁମାନେ କାମେ ମତ୍ତହୋଇ ପର ନାରୀ କୁ ହରେ ,ସେହି ଲୋକ ମଲାପରେ ଯମଦୂତ ମାନେ ତାକୁ ବାନ୍ଧି ନେଇ ବାଟରେ ତତଲାଲୁହା ରେ ତାକୁ ମାରନ୍ତି ।ସେହି ପାପୀର ପାଟିରେ ଯମଦୂତ ମାନେ ମୁତନ୍ତି ।ଏହି ପାପୀ ଟି ଅଶ୍ରୁ କୁଣ୍ଡରେ ଶହେ ବର୍ଷ କଷ୍ଟ ପାଏ ।ଏହାପରେ ସାତ ଜନ୍ମ ଗଉଡୁଣୀ ପୋକ ହୋଇ ଜନ୍ମ ହୁଏ ।
ସନତ ଋଷି କହିଲେ -ହେ ଋଷିଗଣ ମୋହର ଏବେ ସନ୍ଧ୍ୟା କରିବା ର ସମୟ ହେଲାଣି ।ଆଉ କେଉଁ ପାପୀ କି ପ୍ରକାର ଦଣ୍ଡ ବ୍ୟବସ୍ଥା ଅଛି ତାହା ମୁଁ ସନ୍ଧ୍ୟା ସରିଲା ପରେ କହିବି ।ଏହା କହି ବ୍ରହ୍ମା ସୁତ ସନ୍ଧ୍ୟା କରିବାକୁ ଗଲେ ।
କ୍ରମଶଃ............
┈••✦ ❤ ✦••┈•ଓଁ ନମଃ ଶିବାୟଃ•┈••✦ ❤ ✦••┈•
No comments:
Post a Comment