ଭଗବାନ - 124
ମେଦିନୀ ପାତାଳ ଅନ୍ତର୍କ୍ଷ୍ଯେ ସବୁଠି
ବିଦ୍ଯମାନ ଭଗବାନ
ସେହି ପରଂବ୍ରହ୍ମ ସେହି ନିରାକାର
ସେହି ଅନନ୍ତ ଗଗନ ।
ତାଙ୍କରି ଆଦେଶେ ସୂର୍ଯ୍ଯ,ଚନ୍ଦ୍ର,ତାରା
ଆତଯାତ ବ୍ରହ୍ମାଣ୍ତରେ
ରୂପ ବିହୀନ ବିଶ୍ବରୁପି ବିହାରୀ
ଅଣୁରେ ପରମାଣୁରେ ।
‐ ରାଧା କୃଷ୍ଣ ବାୟକ
ଭୂମି ଗଗନ ବାୟୁ ଆଉ ନୀର
ଏ ଚାରି ହିଁ ବାସ୍ତବ ଭଗବାନ
ସୁନ୍ଦର ଗିରି ବନ ତପୋବନ
ସର୍ବ ପରିବାର ଛାତ ଗଗନ
ଦେହକୁ ଜରୁରୀ ପାଣି ପବନ
ଗଗନ ଅଟଇ ତାର ସର୍ଜନ
ସବୁରି ଆଧାର ଏ ଚାରିଜଣ
ଏଣୁ ନ୍ୟାୟମନ୍ତେ ଏ ଭଗବାନ
- ସନ୍ତୋଷ ପଟ୍ଟନାୟକ
ଭବ ସାଗରରେ ଭରଷା ଭିତ୍ତିରେ
ଭିଆଣା ହେ ଭିନ୍ନରୂପି
ଗନ୍ତର୍ବ୍ୟର ସ୍ଥଳ ବ୍ରହ୍ମାଣ୍ତ ଅଖିଳ
ଗଗନ ପବନ ବ୍ୟାପୀ
ବାକ୍ୟେ ବଖାଣିବା ବିଚିତ୍ର ବିଭବା
ବିନ୍ଧାଣି ବିରଳ ବିଶ୍ୱେ
ନମଁଇ ଚରଣେ ଆହେ ଆର୍ତ୍ତତ୍ରାଣେ
ନିରୁପାୟୀ ମୁଁ ନିଃଶ୍ୱେ
- ଦାଶରଥି ସାହୁ
କେମିତିକା ରୂପ ରଙ୍ଗ ପ୍ରଭୁ ତୁମ
ଦେଖି ନାହିଁ ବାସ୍ତବରେ
ଭଗବାନ ବୋଲି ତୁମକୁ ହୃଦୟେ
ପୂଜୁଥାଏ ନିରନ୍ତରେ
ନିରାକାର ବୋଲି ତୁମେ ଭଗବାନ
ଶୁଣିଛି ମୁଁ ଯାହା କର୍ଣ୍ଣେ
ତେଣୁ ଯେ ତୁମକୁ ଦୁଃଖି ହୃଦ ବନେ
ଖୋଜୁଥାଏ ମନେ ମନେ
- ଜଗବନ୍ଧୁ ସାହୁ
ନିୟତି ନିୟମ ମୋର ସର୍ବ କର୍ମ
କେବଳ ତୁମରି ଶ୍ରେୟ
ରକ୍ତ ମାଂସେ ଗଢା ଏ'ତୁଚ୍ଛ ଶରୀର
କରିଛ ତୁମେ ସକ୍ରିୟ
କରମ କଷଣ ସହି ପ୍ରତିକ୍ଷଣ
ସଂସ୍କାର ଦେଇଛ ମୋତେ
ମୋହର ଆରାଧ୍ୟ ଭଗବାନ ତୁମେ
ପିତା ନାମେ ଏ ଜଗତେ ।
- ଟୁକୁନା ସାହୁ
ଏ ବିଶ୍ୱ ବ୍ରହ୍ମାଣ୍ଡ ଚାଲେ ଯା' ଇଙ୍ଗିତେ
ବୁଣି ଅଦୃଶ୍ୟ ଉପାଦାନ
ଆକାର ବିହୀନ ସେଇ ଶୂନ୍ୟ ବ୍ରହ୍ମ
ଅଟନ୍ତି ସ୍ୱୟଂ ଭଗବାନ
ହେଉ ସ୍ୱର୍ଗ ମର୍ତ୍ତ୍ୟ ଅବା ରସାତଳ
ସବୁଠି ବୋଲାନ୍ତି ରାଜନ
ଭୂମି ଠାରୁ ଭୂମା ସିଏ ସର୍ବେଶ୍ୱର
ତାଙ୍କ ପାଦେ କୋଟି ନମନ ....
- ରାମ ଚନ୍ଦ୍ର ପ୍ରଧାନ
ଭକତ ଆଖିରେ ନାଚୁଥାଏ ସଦା
ଯାହାର ସୁନ୍ଦର ଛବି
ଯାହାର ଗାରିମା ରଚି ଯାଇଛନ୍ତି
କେତେ ମୁନୀ ମହାକବି
ଯାହାରି ଦର୍ଶନେ ସକାଳ ଆରମ୍ଭ
ପୂର୍ଣ୍ଣହୁଏ ଅଭିଯାନ
ଭାବକୁ ନିକଟ ଅଭାବକୁ ଦୂର
ସେହି ଏକା ଭଗବାନ
- ରବିନ୍ଦ୍ର ସାହୁ
ଭାବକୁ ନିକଟ ଅଭାବକୁ ଦୂର
ଯିଏ ଡାକେ ଯେଉଁ ଭାବେ
ଭଗବାନ ଙ୍କର ଲୀଳା ଖେଳା ସଦା
ଉପସ୍ଥିତି ଯୁଗେ ଯୁଗେ
ଭଗବାନ ଦିନେ ଭକତ ପ୍ରୀତିରେ
ଖାଇଥିଲେ ଖୁଦଭଜା
ଭଗବାନ ପୁଣି କାଞ୍ଚି ଅଭିଯାନେ
ଉଡ଼ାଇଲେ ଜୟ ଧ୍ୱଜା
- ପ୍ରବୀର ମଲ୍ଲିକ
No comments:
Post a Comment