🇮🇳 ଭାରତ ମାତା 🇮🇳

ଭାରତ ମାତା    ✍ ରାମ ଚନ୍ଦ୍ର ପ୍ରଧାନ ( ଶିକ୍ଷକ)

=========

ବୀର ପ୍ରସବିନୀ  ସଦା ସୁହାସିନୀ 

    ବନ୍ଦେ ମୋ ଭାରତ ମାତା 

ତଟିନୀ ବନାନୀ  ସବୁଜ ଧରଣୀ 

    ସିଏ ତ ଜଗତ ଜିତା  l

ଅମୃତ ସୃଜନୀ  ସନ୍ତାନ ପାଳିନୀ 

     ସଭିଙ୍କର ସେ ଜନନୀ

ଚିର ବନ୍ଦନୀୟା  ସଦା ପୂଜନୀୟା 

    ମା' ସେ ଆଶିଷ ଦାୟିନୀ  l

ସମୃଦ୍ଧି ଶାଳିନୀ  ଶକ୍ତି ପ୍ରଦାୟିନୀ 

     କଥା ତା' ମଧୁ ଭାଷିନୀ 

ଗୌରବ ମଣ୍ଡିତା  ସଂକୃତି ଶୋଭିତା 

     ସାରା ବିଶ୍ୱେ ସେ ବିଦ୍ୱାନୀ  l

ସଞ୍ଜ ନଇଁଗଲେ  ନବବଧୂ ଏଠି 

    ଜାଳେ ଶ୍ରଦ୍ଧା ସଞ୍ଜବତୀ 

ଚାଷୀ ପୁଅ ଗୀତେ ପବନେ ଶୁଭଇ 

    ମାଟିର ସେ ମଧୁଗୀତି  l

ସବୁଠୁ ସୁନ୍ଦର  ଅଟେ ପରା ସିଏ 

   ମିଠା ଲାଗେ ତା'ର ଭାଷା 

ତା' ଦେଶ ସଂକୃତି ସବୁଠୁ ମହାନ 

   ବାର ମାସେ ତେର ଓଷା  l

ହିନ୍ଦୁ ମୁସଲିମ୍ ଜୈନ ଖ୍ରୀଷ୍ଟିଆନ 

    ସବୁ ତା' ପାଖେ ସମାନ 

ବିଭିନ୍ନତା ମଧ୍ୟେ  ବୋହି ସେ ଏକତା 

     ବୋଲାଉ ଥାଏ ମହାନ  l

ହିମାଳୟ ତା'ର ଶିରେ ଶୋଭାପାଏ 

       ସାଗର ଚରଣ ଧୁଏ 

ସୀମାରେ ତାହାର  ବୀର ସଇନିକ 

     ଦେଶପ୍ରେମ ଗୀତ ଗାଏ  l

        ~~~~~୦~~~~~

http://sammarpana.blogspot.com

 ସାମନ୍ତରା ପଲ୍ଲୀ , ଗଞ୍ଜାମ 

ମୋ:9861638736