✍ ମାତୃଭାଷା ✍
~~~୦~~~
ମାତାର ମମତା ହୃଦୟର ଭାଷା
ରସଧାରା ମଧୁଭାଷା
ଯାହାର ପବନ ପ୍ରତି ନିଶ୍ବାସରେ
ପାଣି ଯା' ଶୋଣିତେ ମିଶା
ସୁଗନ୍ଧ ସୁମନ ପ୍ରତି ଶବ୍ଦ ମାନ
ବର୍ଣ୍ଣବୋଧ , ଚ଼ଉତିଶା
ସୁରଭି ସାହିତ୍ୟେ ବୈଚିତ୍ର ମଣ୍ଡିତ
ଏକା ମୋର ମାତୃଭାଷା ....
ମାତୃଭାଷା ଅଟେ ବ୍ୟକ୍ତି ପରିଚୟ
ଗର୍ବ ଗଉରବ ଗାଥା
ସମ୍ବୋଧନ ପାଇଁ ପ୍ରଥମ ଆଧାର
ତା'ଉତ୍ସ ଅଟଇ ମାଆ
ମାଆକୁ ଭକତି ମାତୃଭାଷା ପ୍ରୀତି
ବଢାଏ ମାନବ ଯଶ
ଆନ ଭାଷା ପାଇଁ ଅଧିକ ପିରତୀ
ନିଶ୍ଚିତ ସଂସ୍କୃତି ନାଶ ....
ମାତୃଭାଷା ମାତୃଭୂମି ଅବଶୋଷ
ଜୀବନ ଜଞ୍ଜାଳ ଶୋଷ
ଅଣଦେଖା ଅଟେ ମାତୃଦ୍ରୋହ ସହ
ଦେଶଦ୍ରୋହ ଗୁଣ ନାଶ
ମାତୃଭାଷା ମୋହ ସୁଗଣ ଅଟଇ
ଉତ୍କୃଷ୍ଠ ହୁଏ ସାହିତ୍ୟ
ସାହିତ୍ୟ ଅଟଇ ସମାଜର ସୁଧା
ଜାତି ଇତିହାସ ସୌର୍ଯ୍ୟ ....
------×------
- ସନ୍ତୋଷ ପଟ୍ଟନାୟକ
No comments:
Post a Comment