~: ନୂଆଁଖାଇ :~
✍ ସନ୍ତୋଷ ପଟ୍ଟନାୟକ
ଭାଦ୍ରବ ମାସର ଶୁକ୍ଳ ପଞ୍ଚମୀ
ପଞ୍ଜିକାରେ ତାହା ଋଷି ପଞ୍ଚମୀ
ଇଷ୍ଟଦେବୀ ନାମ କରି ସ୍ମରଣ
ଉତ୍କଳୀ ସମର୍ପେ ଅମଳ ଧାନ ||
ନୂଆଖାଇ ନାମେ ଏ'ଜଣାଶୁଣା
ଗଣପର୍ବ ବୋଲି ରାଇଜେ ଗଣା
ପଶ୍ଚିମ ଓଡିଶା ଖୁସି ଆସର
ଭେଦ ଭାବ ଭୁଲି ସର୍ବେ ନିଜର ||
ସମଲେଇ ପାଶେ ଭୋଗ ଅର୍ପଣ
ଷାଠିଆଧାନରୁ ପ୍ରସ୍ତୁତ ଅର୍ଣ୍ଣ
ଚୁଡ଼ା,ଭାତ, କ୍ଷୀରି, ମଣ୍ଡା, ଆରିସା
ନୂଆଖାଇ ପର୍ବ ପାଳେ ଓଡ଼ିଶା ||
ସମ୍ମିଳିତ ଏ' ପର୍ବେ ପରିଜନ
ଆନନ୍ଦଦାୟ ଏକାଠି ଭୋଜନ
ସାନ କରେ ଯାଇ ବଡ଼େ ପ୍ରଣାମ
ବଡ଼ ଦିଅନ୍ତି ସାନେ ଶ୍ରଦ୍ଧା ସୁମନ ||
ପଶ୍ଚିମାଞ୍ଚଳେ ଏ' ଶୁକ୍ଳ ପଞ୍ଚମୀ
କଳାହାଣ୍ଡି ଠାରେ ଶୁକ୍ଳ ଦଶମୀ
ଆନଞ୍ଚଳେ ହୁଏ ଦଶରା ଦିନ
ପୂର୍ବାଞ୍ଚଳେ ଏ' ଆଶ୍ବିନେ ପାଳନ ||
ମହାଳୟା ତିଥି ନବାନ୍ନ ସମ୍ପନ୍ନ
ଇଷ୍ଟଦେବୀ ପାଶେ ଭୋଗ ବିଧାନ
ସଂସ୍କାର ସଂସ୍କୃତି ଉତ୍କଳ ମାନ
ଭିନ୍ନ ଭିନ୍ନ ହେଲେ ଏକ ବିଧାନ ||
ସାମାଜ ଏକତା ପରବ ଏଇ
ବିଜୁବାବୁ ମନେ ଭରିଲା ଛାଇ
ଖୁସି ହୋଇ କଲେ ଛୁଟି ଘୋଷଣା
ଧନ୍ୟ ନାୟକ କୋଟି ମନ ଜିଣା ||
ମାଟିଲଗ୍ନା ଆଜି ସ୍ୱତନ୍ତ୍ର ସ୍ଥାନ
ଗୁଣି ଗଣପର୍ବ ରଖିଛି ମାନ ||
No comments:
Post a Comment