☘ ଅମୁଲମୁଲ ☘ ✍ଉପେନ୍ଦ୍ର କୁମାର ବସ୍ତିଆ
☆☆☆☆☆☆☆☆☆☆☆☆☆☆☆☆☆
ସଂସାରରେ ଯାହା କିଛି ଗଢ଼ିଛନ୍ତି ବିହି
ଗଣି ଗଢି ଗଢାଇବା ପାରେନାହିଁ କେହି
ପୁଷ୍ପ ମଧ୍ୟେ ସୁଗନ୍ଧଟି ରହି ଅଛି ଭରି
ବିହି ହାତେ ଗଢ଼ା ସେ ଯେ କିଏ ପାରେ କରି ! ॥
ଧନ-ରତ୍ନ ତା ପାଖରେ ନୁହଁଇଟି ସରି
ଅମୂଲମୂଲ ତାହାର କିଏ ଦେଇ ପାରି, !
ରଙ୍ଗ ବେରଙ୍ଗର ପକ୍ଷୀ ଅଛି କେତେ କେତେ
ସେପରି କିଏସେ ଗଢି ପାରିବକି ସତେ ! ॥
ଉର୍ଦ୍ଧରେ ନୀଳ ଆକାଶ ପାରାବାର ତଳେ
ସେପରି ଆଉକେ ଗଢି ପାରେକି କୌଶଳେ !
ପ୍ରଭାତେ ଉଦୟ ଭାନୁ ,ଚନ୍ଦ୍ର ସନ୍ଧ୍ୟା କାଳେ
ଖଞ୍ଜି ପାରିବକି ତାରା ,ବିଦ୍ୟା ବୁଦ୍ଧି ବଳେ ! ॥
ଜୀବ ପାଇଁ ଗଢ଼ା ସେ ଯେ ତାମୂଲ ଅମୂଲ
ଜଗତେ ତାହାର ସଙ୍ଗେ କେହି ନୁହେଁ ତୁଲ
ପତ୍ର, ଫୁଲ, ଫଳ ଯେଣୁ ବୃକ୍ଷ ଅଛି ଭରି
ଅପରୂପ ବସ୍ତୁ ଆଉ କେପାରେ ତିଆରି ! ॥
ଜୀବଜଗତ ପାଇଁକି ସେ ମୂଲ ଅମୂଲ
ଅନ୍ୟ ଆଉ କିଏ ଅବା ହେବନାହିଁ ତୁଲ
ଜନ୍ମଦାତା ପିତା ମାତା ଗଢ଼ିଛନ୍ତି ବିହି
ଦୁନିଆଁରେ ତାଙ୍କ ପରି ସରି ହେବ କେହି ! ॥
ସ୍ନେହ ଅଟଇ ତାଙ୍କର ଯେ ଅମୂଲ ମୂଲ
ସଂସାରରେ ଆଉ କିଛି ନୁହେଁ ତାହା ତୁଲ
ସଂସାରରେ ଛୋଟ ବଡ଼ ଅଟେ ବହୁ ମୂଲ୍ୟ
ଶ୍ରମ ବଳେ ପ୍ରାଣୀକୁ ହିଁ ମିଳେ ତାହା ମୂଲ୍ୟ ॥
No comments:
Post a Comment