● ଓଠେ ଫେବିକୁଇକ୍ ●

ସକାଳୁ ସକାଳୁ ମନ ମୋ ବଳିଛି

          କବିତା ଲେଖିବି ବୋଲି ,

ସମ୍ପର୍କ ରହିଲେ କ୍ଷମା କରିଦେବ

          ସଂଯୋଗ ଭାବିବ ଖାଲି  | (1)

ଯଦି କେହି ମତେ ଭୁଲ ବୁଝିବେ

          ମୋର ହେବନି କିଛି ,

ଭାବିଚିନ୍ତି ମତେ କମେଣ୍ଟ କରିବ

          ନହେଲେ ମୁଣ୍ଡକୁ ଦେବି ମୁ ଛେଚି  |(2)

ଦଶମ ଶ୍ରେଣୀରେ ସ୍କୁଲ ସମୟେ

          କରୁଥିଲି ଯାହାକୁ ଲାଇକି ,

କରୋନା କାଳରେ ବାହା ହେଲି ତାକୁ

          ହାତରୁ ଫାଇନି ଦେଇକି   |(3)

ଏଭଳି ଝିଅକୁ ପ୍ରେମ କଲି ବୋଲି

          ନିତି କରୁଅଛି ଜେରା ,

ପ୍ରେମ ନୁହଁ ସେତ ଗରମ ପବନ

          ସତେ ବୈଶାଖୀ ଖରା  |(4)

          

ଚୁପଚୁପକିନି କଥା କହୁଥିଲେ

          ଶୁଭୁଥାଏ ଆରସାହିକି ,

ଏହାଶୁଣି ବାପା ବୋଉମୋ କୁହନ୍ତି

          ବହୁ ଆମ ଛୋଟ ମାଇକି  |(5)

ଥରେ ମୁହିଁ ତାକୁ ସନ୍ଧ୍ୟାରେ କହିଲି ଚାଲଗୋ

          ଯିବା ଆମେ ଶପିଂ କରିକି ,

ଖୁସିହୋଇ ସିଏ  ଶୀଘ୍ର  ଘରକାମ ସାରି  

          ସୋଫାରେ ବସିଲା ସଜ ହୋଇକି  |(6)

ସନ୍ଧ୍ୟାରେ ଫେରିଲା ବେଳକୁ ଘରକୁ

          ଚୁପ ଅଛି ଇଏ କାହିଁକି ?

ଭାବିବାପରେ ଜାଣିଗଲି ମୁହିଁ ଲିପିସ୍ଟିକ ଭାବିକି

          ମାଇକି ମାରିଚି ଓଠରେ ଫେବିକୁଇକି  |(7)

                                 ଅଙ୍କିତ କୁମାର ସ୍ୱାଇଁ  

                                 ଆପେକ୍ସ ମହାବିଦ୍ୟାଳୟ ,

                                    କମାଗଡ, ଯାଜପୁର