● ବାସ୍ତବକୁ ହେଜି ମରୀଚିକା ଛାଡ଼ ●

ମନ୍ଦକୁ ଏଠିରେ ସଭିଏଁ ଖୋଜନ୍ତି

          ଭଲର ଆସ୍ଥାନ ନାହିଁ ,

ମନ୍ଦ ଅପକର୍ମ ସବୁ କରି କରି

          ପାପ ଅରଜୁଛୁ କାହିଁ  |(1)

ସଂସାର ବାରିଧି ସର ହେଲେ ଏଠି

          ମଛ୍ୟଙ୍କ ରୂପରେ ନର  ,

ଜଞ୍ଜାଳ ଜାଲରେ ବାନ୍ଧିହୋଇ ସବୁ

          ଆପଣା ହେଲେଣି ପର  |(2)

ମାନବ ଦେହରେ ମାଧବ ଅଛନ୍ତି

          ଜାଣିପାରୁନାହୁଁ ତୁହି ,

କେମନ୍ତ ରୂପରେ ବୁଝାଇବି ତତେ

          ଆରେ ମୋ ମଣିଷ ଭାଇ  |(3)

ମାନବ ସେବାହିଁ ମାଧବ ସେବାଟି

          ଚିତ୍ତେ ରହିଅଛି ଯାର ,

ଧରମ ରୂପକ    ଆଶାବାଡି ଧରି

           ସଂସାରୁ ହୋଇବ ପାର   |(4)

          

ସଡ଼ରିପୁଙ୍କର ବଶବର୍ତ୍ତୀ ହୋଇ

           ଯାହାବି କରୁଛି ଶିକ୍ଷା ,

କଷ୍ଟ ହିଁ ତାହାର ଶେଷ ପରିଣାମ

          କେହି ନ କରିବେ ରକ୍ଷା  |(5)

ଧର୍ମକୁ ଏଠିରେ ଗଣ୍ଠିଲି ଭାବିକି

          ରଖିଥିବୁ ଯଦି ସାଇତି ,

ଜୀବନ ଯମୁନା ପାରିହେବୁ ତୁହି

          ପୁଣ୍ୟର ନଉକା ବାହିକି  |(6)

କବିତା ମାଧ୍ୟମେ ଛୋଟିଆ ପ୍ରୟାସ

           ଯିଏବା  ପଢିବ ଥରେ ,

ବାସ୍ତବକୁ ଧରି ମରୀଚିକା ଛାଡି

           ସଂସାରୁ ତରିବ ଭଲେ   |(7)

ଅଙ୍କିତ କୁମାର ସ୍ୱାଇଁ  , ଶାସନ୍ଦା, ବିଂଝାରପୁର 

                                             ଯାଜପୁର