🪔 ସ୍ମୃତି ଦର୍ପଣ 🪔

ଏବେ ଆଖି ଖୋଲିବାର ସମୟ ! 

ଆମ ମାଟିର ୧୨ ବର୍ଷର ବାଳୁତ #ବାଜି_ରାଉତ #ଦେଶର_ସର୍ବକନିଷ୍ଠ_ଶହୀଦ ! 

ଦେଶର ଶାସନମୁଖ୍ୟଙ୍କ ଠାରୁ ଆରମ୍ଭ କରି ବହୁ ବିଶିଷ୍ଟବ୍ୟକ୍ତି ତାଙ୍କ ବୀରତ୍ୱର ଗାଥା ଗାଇଛନ୍ତି, ତାଙ୍କ ବଳିଦାନକୁ ସୁମରଣା କରି ମଥାନତ ହୋଇଛନ୍ତି ! 🙏🏻🙏🏻

କିନ୍ତୁ ଆମେ . . ! !

 ଆଶ୍ଚର୍ଯ୍ୟ ଜନକ ଭାବେ ଗତ କିଛି ହେବ କିଛି ଓଡ଼ିଆ  ନିଜ ଲେଖାରେ ଖୁଦିରାମଙ୍କ ଜନ୍ମଜୟନ୍ତୀରେ ତାଙ୍କୁ ଦେଶର ସର୍ବକନିଷ୍ଠ ଶହୀଦ ଭାବେ ଅଭିହିତ କରି ପୋଷ୍ଟ କରୁଛନ୍ତି  । 😢😢

ପୂଜ୍ୟ ଖୁଦିରାମ ବୋଷଙ୍କୁ ସମ୍ମାନ ଦେବାକୁ ଯାଇ ବାଜି ରାଉତଙ୍କ ପ୍ରତି ସେଇ ଉଚ୍ଚଶିକ୍ଷିତ ଭଦ୍ରବ୍ୟକ୍ତିମାନେ ପ୍ରଚଣ୍ଡ ଅପମାନ ଦେଇଥିଲେ (ଅଜାଣତରେ ହେଉ ପଛେ), ତାହା ମୋ ପରି ଓଡ଼ିଆଙ୍କୁ ଆଘାତ ଦେବା ସ୍ବାଭାବିକ ! 😡😡

ଆମେ ଓଡ଼ିଆଏ ପ୍ରାୟତଃ ଏମିତି ! 

କଥାକଥାକେ ବାହାରର ମହାପୁରୁଷ ଅବା ଅନ୍ୟ ରାଜ୍ୟର ଗର୍ବଗାରିମାର କଥା ଗାଇଚାଲୁ ! ଆମ ଜନମମାଟିର କଥା କହିଲା ବେଳକୁ ଆମ ପାଟି ଘୋଳେଇ ହୁଏ ! ପଦିଏ ଲେଖିବାକୁ ହାତଟି ପକ୍ଷାଘାତଗ୍ରସ୍ତ ବୋଲି ଅନୁଭବ ହୁଏ ! 

ଆମ ପାଇଁ ଟେଗୋର୍ ବଡ଼ ! ଗଙ୍ଗାଧର ଆମକୁ ଅପରିଚ୍ଛନିଆ ଲାଗନ୍ତି ! 

ଆମକୁ ରାଣାପ୍ରତାପ, ଶିବାଜୀ ବଡ଼ ବୀର ବୋଲି ଦିଶନ୍ତି ! ଅଥଚ #ଖାରବେଳ, #କପିଳେନ୍ଦ୍ର_ଦେବ, #ପୁରୁଷୋତ୍ତମ_ଦେବ ଙ୍କ କାହାଣୀ ଆମର ପଡ଼ି ପଡ଼ି ଖତ ହୁଏ  ! 

ଆମକୁ କୋଉ ତେଲୁଗୁ କବି ପୋଥାନା ବଡ଼ ଲାଗନ୍ତି, ଅଥଚ ଆମ ଜଗନ୍ନାଥ ଦାସେ ! ଭାଗବତ ! ହେଃ ! କ'ଣ ହବ ସେଗୁଡ଼ା ? 

ଧନ୍ୟ ଆମେ ଓଡ଼ିଆଏ ! 

ସାଇବାବାର ମଠରେ ଆମେ ଜଗନ୍ନାଥଙ୍କୁ ପାର୍ଶ୍ଵଦେବତା କରି ବସାଇପାରୁ ! (ଆମ ମହାପ୍ରଭୁ ନିଜ କଥା ନିଜେ ବୁଝିବେ, ଆମେ ଏବେ ଆସିବା ମୂଳପ୍ରସଙ୍ଗକୁ ।)

ଶହୀଦ ଖୁଦିରାମ ବୋଷ ! ବୟସ ୧୯, ପୂର୍ଣ୍ଣତଃ ଯୁବକ, ଚେତନାରେ ଯୁବକ ! ବୈପ୍ଳବିକ ନେତୃତ୍ୱରେ ଅଭିପ୍ରେରିତ ! 

ଶହୀଦ ବାଜି ରାଉତ ! ବୟସ ମାତ୍ର ୧୨, ବୟସରେ ବାଳକ, ଚେତନାରେ କିନ୍ତୁ ଯୁବକ ! ନିଜର ନେତା ନିଜେ ! ସ୍ଵକୀୟ ପ୍ରେରଣାରେ ଅଭିପ୍ରେରିତ ! 

ତେବେ ଅଗ୍ରପୂଜ୍ୟ କିଏ ? ? ? ହେଜିବାର ଅଛି . . 

ଆମେ ଭୁଲିଯିବାନି ଯେ, ୧୨ ବର୍ଷରୁ ୧୯ ବର୍ଷ ବୟସର ବ୍ୟବଧାନରେ ଓଡ଼ିଶା ମାଟିରେ ଥିଲେ ଶତାଧିକ ସଂଗ୍ରାମୀ ! 

ସେମାନଙ୍କ ମଧ୍ୟରେ ଶହୀଦ ଥିଲେ ! 

ବାଳିକା କିଶୋରୀ ମଧ୍ୟ ଥିଲେ ! 

ଏବେ ଟିକିଏ ଆଖି ଖୋଲିବାର ସମୟ ! ବଙ୍ଗାଳୀଙ୍କୁ ପ୍ରେମ କରିବାର ନୁହେଁ ! ମାରୁଆଡ଼ି, ତେଲେଙ୍ଗାଙ୍କୁ ମୁଣ୍ଡରେ ବସାଇବାର ନୁହେଁ ! 

ଏବେ ମୁଣ୍ଡିଆଟେ ମାରିବା ନିଜ ମାଟିକୁ ! ମାଟି ମା'କୁ ! ଭଲଭାବେ ଚିହ୍ନିବା ଆମ ମାଟିର ଗାରିମାକୁ ! 

୧୨ ବର୍ଷରୁ ୧୯ ବର୍ଷ ବୟସ ସୀମା ଭିତରର ସଂଗ୍ରାମୀମାନଙ୍କ ବିଷୟରେ ଆଲେଖ୍ୟମାନ ଏବେ ପ୍ରସ୍ତୁତି ପଥରେ ! 

ବନ୍ଦେ ଉତ୍କଳ ଜନନୀ 🙏🏼🙏🏼

ବନ୍ଦେ ଭାରତମାତା 🙏🏼 🙏🏼

Image: Dhenkanal Khati FB Page