#ହେ' ଓଡ଼ିଆ ଭାତ୍ରୁଗଣ ନିଜ ଜାତିଭାଇଙ୍କୁ ଚିହ୍ନ ସେମାନଙ୍କ ଅବଦାନ ପ୍ରତି ସମ୍ମାନ ପ୍ରଦର୍ଶନ କର ଜୟକାର କର ପାଇକ ପୁଅ ଜୟୀରାଜଗୁରୁଙ୍କର , ଜୟଗାନ କର ଭଞ୍ଜମାଟିର ଯୋଗ୍ୟ ନରେଶ ସର୍ବ ପ୍ରଥମ ବିପ୍ଳବୀ ମହାରାଜ #କୃଷ୍ଣ_ଭଞ୍ଜଙ୍କର ।
ବନ୍ଦେ ଉତ୍କଳ ଜନନୀ 🙏🙏🙏🇮🇳
#ବୁଝିଯା_ଧନ_ବୁଝିଯା 🙏🇮🇳🙏
^^^^^^^^^^^^^^^^^^^^
ଦେଶରୁ ଗଲେ ଗୋରା ବିଦେଶୀ
କେତେ ଯେ'ବୀର ହେଲେ ଶହୀଦ୍
ଚକାରା ,ବାଜି,ବିର୍ସା
ଜୀବନ ଦେଲେ ଦେଶର ପାଇଁ
ଉଡ଼ିଲା ଗୋରା ହଂସା ....୦
ଇତିହାସ ଆଜି ସେକାଳ କଥା
ଦେଶ ଗାଉଚି ସ୍ବାଧୀନ ଗାଥା
ଉଦ୍ଘୋଷ ତାଳେ ତାଳେ
ପାଇକ ପୁଅ ପାଇନି ଖିଅ
ରହିଛି ଆଢୁଆଳେ ....୧
ଗାନ୍ଧୀ ପଟେଲ ଉଚ୍ଚ ସ୍ଳୋଗାନ
ସୁପ୍ତ ଆଜି ଏଠି ପାଇକ ପ୍ରାଣ
କାହାର ଏଇ ଫନ୍ଦି !
ଓଡ଼ିଆ ମାନ ଆଜି ମଳିନ
ଅବହେଳିତ ସନ୍ଧି .... ୨
ଜାଗ ଓଡ଼ିଆ ପାଇକ ପୁଅ
ଦେଖାଅ ତୁମ ମାଟିର ମୋହ
ଝଅଟ ଉଠି ଯାଅ
ଜୟୀ ରାଜଗୁରୁ ଲକ୍ଷ୍ମଣ ନାୟକ
ସୁବାଷ ଜୟ କୁହ ....୩
ବାଜି ଓ ଚକରା ,ବିର୍ସା ମୁଣ୍ଡା
ଅଛିନ୍ତି କେତେ ପାଇକ ଭେଣ୍ଡା
ଚିହ୍ନୁନାହୁଁ ତୁ' କିଆଁ !
ଅଜ୍ଞ ବିବେକ ଦେଶ ଶାସକ
ଚେତେଇ ଦେଇତୁ' ଯା ....୪
ସ୍ବାଧୀନ ଏବେ ଭେଳିକି ଜାଣ
ବ୍ୟଥିତ ଏଠି କୃଷକ ପ୍ରାଣ
ଓଡ଼ିଆ ଏଠି ନଣ୍ଡା
ଶୋଣିତ ଢାଳି ଦିଅରେ ଜାଳି
ଶାସକ ନୀତି ଫଣ୍ଡା ....୫
ବିପ୍ଳବକାରୀ ସେ' କୃଷ୍ଣ ଭଞ୍ଜ
ଅକାଳେ ଅସ୍ତ ଜୀବନ ସଞ୍ଜ
ଘୁମୁସୁର ରାଇଜ
ଶ୍ରୀକର ଭଞ୍ଜ ବିକ୍ରମ ଭଞ୍ଜ
ପ୍ରତାପେ ଥିଲେ ସୂର୍ଯ୍ୟ ...୬
ହରାଇ ଦେଲା ହୀନ ଚକ୍ରାନ୍ତ
ନିଜର ଲୋକ ମତ୍ତି ବିଚ୍ଯୁତ
ହୁଅନି ପୁଣି ଭ୍ରମ
ନିଜ ଶକତି ଗୁଣି ଝଟତି
ରଖିଯା' ଜାତି ମାନ ...୭
ସ୍ବାଧୀନ ଆଜି ପାଳେ ପରଜା
ଉଡ଼ାଇ ଶାନ୍ତି ମଇତ୍ରି ଧ୍ବଜା
ମନ କରୁନି ହେଜା
ଓଡ଼ିଆ ପୁଅ ଶ୍ରେୟର ଖିଅ
ବୁଝିଯା ଧନ ବୁଝିଯା ...୮
^^^^^^^^¤^^^^^^
✍ ସନ୍ତୋଷ ପଟ୍ଟନାୟକ ।
ବେଗୁନିଆପଡା ବ୍ଳକ୍ ତିରିଡ଼ା ,ଗଞ୍ଜାମ ।
--------------------
ଶବ୍ଦାର୍ଥ :-
ଫଣ୍ଡା : ମୁମୁର୍ଷୁ ଅବସ୍ଥା । ଝଟତି : ହଠାତ୍ । ଉଦ୍ଘୋଷ : ସ୍ଳୋଗାନ । ହଂସା : ସହାସ ।
No comments:
Post a Comment