╔⏤⏤⏤╝❀╚⏤⏤⏤⏤╗
ଶିବ ପୁରାଣ
ପ୍ରଥମ ଖଣ୍ଡ
【ଭାଗ -୯】
╚⏤⏤⏤⏤╗❀╔⏤⏤⏤⏤╝
ବ୍ରହ୍ମା ସୁତ ମୌନ ହୋଇ ଯାଇଥିଲେ ।କିଛି ସମୟ ପରେ ପୁଣି ସର୍ଵ ଋଷିଙ୍କ ଆଗରେ ନର୍କର ବିବରଣ ବର୍ଣ୍ଣନା କରି କହିଲେ -ହେ ତପି ଗଣ !ମୁଁ ଯାହା କହୁଛି ମନ କର୍ଣ୍ଣ ଦେଇ ଶୁଣ ।ସନତ କହିଲେ -
ଯେଉଁ ଜନ ଗୋରୁ ,ବ୍ରାହ୍ମଣ ଙ୍କୁ ହତ୍ୟା କରେ ,କାମ ବଶରେ ମାନିତା ନାରୀ ଙ୍କୁ ହରଣ କରେ ସେପରି ପାପୀ ଚାରି ଯୁଗ ପର୍ଯ୍ୟନ୍ତ ରୌରବ ନର୍କ ରେ ପଡି ଘାଣ୍ଟି ହୁଏ । ଯମଦୂତ ମାନେ ଏହି ପାପୀ ଦେହରେ ଅଗ୍ନି ପକାଇ ଦିଅନ୍ତି ।ସେହି ପାପୀ ପୁଣି ଆସି ବିପ୍ରକୁଳ ରେ ଜନ୍ମ ହୁଏ ।ଯେଉଁ ଜନ ସନ୍ଧ୍ୟା କରେ ନାହିଁ ଓ ଶୁଦ୍ର ବିଧିମାନ ସବୁ କରେ ,ନୀଚ ଜାତିଠାରୁ ବିଭିନ୍ନ ଦାନ ନିଏ ଏଥିପାଇଁ ତାକୁ ଦାନୁଆ ବ୍ରାହ୍ମଣ କହନ୍ତି ।ଶୁଦ୍ରକୁ ଯେଉଁ ବ୍ରାହ୍ମଣ ସେବାକରେ ଓ ଶୁଦ୍ର ଘରେ ପାପ କରେ ସେହିମାନେ ବୃକ୍ଷଳୀ ପ୍ରତି ହୋଇଣ ଦୁଃଖରେ ଦିନ କଟେ ।
ଭିକ୍ଷୁକ ମାରି ତାହାର ଭିକ୍ଷା କୁ ଯେଉଁମାନେ ଛଡାଇ ନିଅନ୍ତି ତାହାର ପାପ କଥା କେହି ମୁହଁ ରେ କହି ପାରିବେ ନାହିଁ । ସେହି ପାପୀ ମାନେ ସାତ ଥର କର୍କଟ ଦାଢ଼ ରେ ପଡନ୍ତି ।ଯମଦୂତ ମାନେ ଏହି ପାପୀ ଉପରେ ପ୍ରହାର କରନ୍ତି । ଏହି ପାପୀ ମାନେ ପୁଣି ମର୍ତ୍ତ୍ୟରେ ଜନ୍ମ ହୋଇ ଭ୍ରୁଣ ହତ୍ୟା କରନ୍ତି । ଏମାନଙ୍କୁ ସଂସାର ମହା ପାତକୀ ବୋଲି କୁହେ । ଏମାନେ ମଲା ପରେ ପୁଣି ଯମଦୂତ ମାନେ ବୋହି ନିଅନ୍ତି ଓ ତାଙ୍କ ଦେହରେ ତଳଲା ତେଲ ଢାଳି ଦିଅନ୍ତି । ଏହି ମାନଙ୍କୁ କଣ୍ଟା ବଣ ରେ ଫୋପାଡ଼ି ଦିଅନ୍ତି । ତାପରେ ଏମାନଙ୍କୁ ଆଣି ତପ୍ତ ପାଷାଣ ଉପରେ କଚାଡି ଦିଅନ୍ତି । ତତଲା ପାଣି ଏହାଙ୍କ ଉପରେ ଢାଳି ଦିଅନ୍ତି ।ଅନଳ ମଧ୍ୟରେ ଏମାନଙ୍କୁ ପକାଇ ଦିଆଯାଏ ।ସାତ ଜନ୍ମ ପର୍ଯ୍ୟନ୍ତ ଏମାନେ ଘୁଷୁରୀ ଜନ୍ମ ନିଅନ୍ତି ।ଆଉ ସାତ ଜନ୍ମ କୃଷ୍ଣ ସର୍ପ ହୋଇ ରୁହନ୍ତି । ଶେଷରେ ଯମ ପୁରେ ଜଳ କୁଣ୍ଡରେ ଯାଇ ପଡନ୍ତି।ଷାଠିଏ ସହସ୍ର ମଳ କୁ ଏମାନେ ଖାଆନ୍ତି । ବହୁ କଷ୍ଟ କଲା ପରେ ପୁଣି ମଣିଷ ଜନ୍ମ ନିଅନ୍ତି ।ସଂସାର କୁ ଆସି ସେହିମାନେ ଅପୁତ୍ରିକ ହୋଇ ରୁହନ୍ତି ।କେହି ତାଙ୍କ ମୁହଁ ଚାହାଁନ୍ତି ନାହିଁ ।ରକ୍ତ କୁଷ୍ଠ
ରାଜ ଯକ୍ଷ୍ମା କାଶ ରୋଗୀ ହୋଇ ରୁହନ୍ତି ।ଏମାନଙ୍କ ପତ୍ନୀ ଅକାଳରେ ମରି ଯାଆନ୍ତି ।
ଏହାପରେ ବ୍ରହ୍ମା ସୁତ କହିଲେ ହେ ଋଷି ଗଣ ! ତୁମେମାନେ ନର୍କର ଚରିତ ସବୁ ଶୁଣିଲ ।ଏହି ନର୍କର ବୃତ୍ତାନ୍ତ ଅତ୍ୟନ୍ତ ଗହନ ଅଟେ । ସବୁ ଋଷି ଏହା ଶୁଣି ଆନନ୍ଦିତ ହେଲେ ଓ ସନତ କୁମାର ଙ୍କୁ ଧନ୍ୟ ଧନ୍ୟ କହିଲେ । ହେ ବ୍ରହ୍ମା ସୁତ !ଆମେ ଆପଣ ଙ୍କ ଠାରୁ ନର୍କ ବିଷୟରେ ଶୁଣୁ ଶୁଣୁ ରାତି ପାହିଗଲା ।ତୁମ ଦର୍ଶନ ପାଇ ଆମେ ସମସ୍ତେ ମୁକ୍ତି ହୋଇଗଲୁ ।ଅପୂର୍ଵ ନର୍କର ବିଧାନ କୁ ଆମେ ତୁମ ଠାରୁ ଶୁଣିଲୁ । ହେ ବ୍ରହ୍ମା ସୁତ !ଆମ ଇଛା ହେଉଛି ଯେ ତୁମ ଠାରୁ ଆଉ କିଛି ଶୁଣିବାକୁ ? ହେ ମୁନିବର ସେହି କଥା ଆମେ ତୁମକୁ ପଚାରୁ ଅଛୁ ?ଆମ୍ଭର ସନ୍ଦେହ ଦୂର କରନ୍ତୁ ?। ହେ ମୁନିବର !ବ୍ରହ୍ମ ହତ୍ୟା ପାପ ହୁଏ କେଉଁ ପାପ କଲେ ? ହେ ତପଶୀଳ ସେହି କଥା ବିଚାର କରି କୁହନ୍ତୁ । ଅଗମ୍ୟ ଗମନ କଲେ କିପରି ପାପ ହୁଏ ? ହେ ମୁନି !ବୃଶଳି ପତି ର କଥା ମଧ୍ୟ ବିସ୍ତାର କରି କହିବେ । ଏହି ସବୁ ସଂଶୟ ଆମ ମନ ଭିତରେ ଉଠିଛି । ହେ ମୁନି !ଦୟାକରି ଏସବୁ ବିଷୟ ଆମକୁ କୁହନ୍ତୁ ?।
ଋଷି ମାନଙ୍କ କଥା ଶୁଣି ସନତ କୁମାର କହିଲେ -ହେ ଋଷିଗଣ!ପୁର୍ବେ ବ୍ୟାସ ଋଷି ଯାହା କହିଥିଲେ ତାହା ମୁଁ ତୁମ ଆଗରେ ବର୍ଣ୍ଣନା କରୁଛି ।ଏବେ ମନ କର୍ଣ୍ଣ ଦେଇ ଶୁଣ। ସନତ କହିଲେ -ସଦାଯୋଗୀ ଶିବ ଯାହା କହିଛନ୍ତି ତାହା ହେଲା ସଂସାରରେ ପାଞ୍ଚ ଗୋଟିତନ୍ତ୍ର ମନ୍ତ୍ର ଶାସ୍ତ୍ର ସାର ଅଟେ । ମୁଁ ସେହି ପାଞ୍ଚ ଗୋଟି ଶାସ୍ତ୍ର ର ନାମ କହୁଛି ତୁମେ ମାନେ ସାବଧାନ ହୋଇ ଶୁଣ । ଶିବ ତନ୍ତ୍ର ,ଶକ୍ତି ତନ୍ତ୍ର ଗଣପତି
ତନ୍ତ୍ର ,ସୌର ତନ୍ତ୍ର , ବିଷ୍ଣୁ ତନ୍ତ୍ର , ଏହି ପାଞ୍ଚ ତନ୍ତ୍ର ସର୍ବତ୍ର ବିଖ୍ୟାତ ଅଟେ । ଏହି ପାଞ୍ଚ କୁ ଯିଏ ଭିନ୍ନ ଭାବେ ଦେଖେ ସଂସାର ରେ ତାଠାରେ ବ୍ରହ୍ମହତ୍ୟା ପାତକ ଲାଗେ । ଯେଉଁମାନେ ବିଧବା ମାତା ଗୁରୁପତ୍ନୀ ,ବେଦାଚାରୀ ଏମାନଙ୍କୁ ଭିନ୍ନ ବୋଲି ମଣେ ସେହିଁ ଦୁରାଚାର ଅଟେ । ଯେଉଁ ଦୁଷ୍ଟ ମାନେ ଶିବ ଭକ୍ତ ସହିତ ଅନ୍ୟ ଦେବ ଙ୍କ ଭକ୍ତ ଙ୍କୁ ସମାନ କରେ ସଂସାର ରେ ସେ ବ୍ରହ୍ମହତ୍ୟା ପାପ ରେ ଭାଗୀ ହୁଏ । ଯିଏ ଦେବ ପୂଜା କରେ ନାହିଁ କି ପିତୃପୁରୁଷଙ୍କ ଶ୍ରାଦ୍ଧକରେ ନାହିଁ ଏହା ସହିତ ବିଷ୍ଣୁ ଭକ୍ତ ମାନଙ୍କୁ ପ୍ରତିଦିନ ନିନ୍ଦା କରେ ,ଜାଗର ଦିନ ଉଜାଗର ରହି ଯିଏ ଦୀପ ଦିଏନାହିଁ ,ଗର୍ବ ବହି ଜାଗର ବ୍ରତ କରେ ନାହିଁ ,ଭୀଷ୍ମ ଜନ୍ମ ,ରାଧା ଜନ୍ମ ,ଓ ଅଷ୍ଟମୀ ତିଥି ସହିତ ଏକାଦଶୀ ,ଶ୍ରୀରାମ ନବମୀ ଯିଏ ନ କରେ ,ଯେଉଁମାନେ ପ୍ରଥମ ରଜରେ ଭୂମି କୁ ଚାଷ କରନ୍ତି ,ଶିବ ଲିଙ୍ଗ କୁ ପୂଜା ନକରି ଆନନ୍ଦରେ ଭୋଜନ କରେ ,ସେହି ଲୋକମାନେ ବ୍ରହ୍ମହତ୍ୟା ପାପୀ ଅଟନ୍ତି ।
ସନତ କୁମାର କହିଲେ -ହେ ଋଷିଗଣ !ଗୋହତ୍ୟା ପାପୀ ମାନଙ୍କ କଥା ଶୁଣ । ଯେଉଁମାନେ ଦାଣ୍ଡ ,ଗୋଚର ପଡିଆ ଚାଷ କରନ୍ତି ,ଗୁରୁଜନ ଙ୍କୁ ଉଚ୍ଚିଷ୍ଟ ଦିଅନ୍ତି ,ଯେଉଁମାନେ ବୃଷଭ କୁ ଜୋଚି ହଳ କରନ୍ତି ଏମାନଙ୍କୁ ଗୋ ହତ୍ୟା ପାତକୀ ବୋଲି ଶିବ କହିଛନ୍ତି । ଯିଏ ପାଦରେ ଅଗ୍ନି ଦେବତାଙ୍କୁ ଦଳି ଦିଏ , ଯେଉଁମାନେ ଅତି କ୍ରୋଧ ହୋଇ ଗୋରୁଙ୍କୁ ଗୋଇଠା ମାରନ୍ତି , ଯିଏ ସ୍ନାନ ସାରି ପାଦ ନଧୋଇ ଘରକୁ ପଶେ ,ଯିଏ ଓଦା ଲୁଗା ପିନ୍ଧି ଭୋଜନ କରେ , ଯେଉଁ ବ୍ରାହ୍ମଣ ଦିନରେ ଦୁଇଥର ଭୋଜନ କରେ , ଯିଏ ଅବିବାହିତ କନ୍ୟା ସହ ରତି କରେ ,ଯେଉଁମାନେ ତ୍ରିସନ୍ଧ୍ୟା ରେ ଗାୟତ୍ରୀ ଜପ କରନ୍ତି ନାହିଁ ,ଯେଉଁମାନେ ପିତୃ ଶ୍ରାଦ୍ଧ ଦିନ ପିଣ୍ଡ ଦିଅନ୍ତି ନାହିଁ ,ଯେଉଁମାନେ ବିଧି ରେ ଦେବତା ଙ୍କୁ ପୂଜା କରନ୍ତି ନାହିଁ ସେହିମାନେ ଗୋହତ୍ୟା ପାପୀ ସଂସାରରେ ଅଟନ୍ତି ।
ଯେଉଁମାନେ ଗର୍ବ କରି ନିଆଁ କୁ ଡ଼ିଅନ୍ତି , ଯେଉଁ ଜନ ସୁଖରେ ଜଳ ଦେବତାଙ୍କୁ ଲଙ୍ଘନ କରେ ,ଯିଏ ପୂଜା ଦ୍ରବ୍ୟ କୁ ଡେଇଁ ଯାଏ ,ଯିଏ ଲୋକମାନଙ୍କୁ ଠକି ମିଥ୍ୟା କଥା କହେ ସେହିମାନେ ହେଉଛନ୍ତି ଗୋ ହତ୍ୟା ପାପୀ ।
ଶୁଦ୍ର ମାନେ ଦଣ୍ଡବତ କଲେ ଯେଉଁ ବ୍ରାହ୍ମଣ ଆଶିର୍ବାଦ କରେ ନାହିଁ
ଯେଉଁମାନେ ବିଦ୍ୟାର୍ଥୀ ମାନଙ୍କୁ ବିଦ୍ୟାଦାନ କରନ୍ତି ନାହିଁ ସେହିମାନେ ହିଁ ଗୋହତ୍ୟା ପାତକୀ ଅଟନ୍ତି ।ଋଷି ସନତ କୁମାର କହିଲେ -ହେ ତପିଗଣ ମୁଁ ଗୋହତ୍ୟା ଓ ବ୍ରହ୍ମ ହତ୍ୟା ପାତକୀ ବିଷୟରେ କହିଲି ଏବେ ଅଗମ୍ୟ ଗମନ ପାପ କଥା କହିବି ।ଏହାକୁ ତୁମେ ମନ ଦେଇ ଶୁଣ !। ଏହା କହି ଋଷି ସନତ କୁମାର ମୌନ ହୋଇଗଲେ ।
କ୍ରମଶଃ...............
┈••✦ ❤ ✦••┈•ଓଁ ନମଃ ଶିବାୟଃ•┈••✦ ❤ ✦••┈•
No comments:
Post a Comment