🌺 ମନରହୁ ତୁମ କତି 🌺

ତୁମେ ହିଁ' ଅତୀତ ତୁମେ ଭବିଷ୍ୟତ 

          ଦାରୁବହ୍ମେ ପ୍ରତିଷ୍ଠିତ 

  ସର୍ବ ଘଟେ ସ୍ଥିତ ତୁମେ ପରଂବ୍ରହ୍ମ 

         ଆତ୍ମା ରୂପେ ବିରାଜିତ 

         ତୁମେ ହିଁ' ସବୁରି ତାତ  

  ଆସନ୍ତକି ଥରେ ମନ ବୃନ୍ଦାବନେ

         ଆଶେ ଅଛି ମୋର ଚିତ୍ତ ..... ୦

ମିଛ ଏ'ସଂସାରେ କେହି ନୁହେଁ ଆଉ 

           ତୁମ ସ୍ଥିତି ଏକା ସତ

 କରନ୍ତକି ଥରେ ତୁମ ମିତ ମୋତେ 

             ହୃଦୟ ହୁଅନ୍ତା ଶାନ୍ତ

           ଘେନି ବାରେ ପ୍ରଣିପାତ 

   ଆଡ଼ ଚାହାଣୀରେ  ଦୁଃଖକୁ ପରଖି

            ହରି ନିଅ ଥରେ ଚିତ୍ତ .... ୧

  ଅର୍ଜୁନର ଶକ୍ତି  ସୁଦାମାର ଭକ୍ତି 

           ରାଧା ମୀରା ଅନୁରାଗ 

   ଜୀବନ ଯୁଦ୍ଧେ ମୁଁ' ପରାଜିତ ଯୋଦ୍ଧା 

           ହଜିଛି ସୁଖ ସୌଭାଗ୍ଯ 

          ଦେଇ ଆଶୀର୍ବାଦ ହାତ 

    ଔତ୍ସୁକ ଜାଗ୍ରତେ  ମନକୁ ଜଗାଅ 

           ଆନମନା ନୋହୁ ଚିତ୍ତ ..... ୨ 

     ଐର ବିନାଶକ   ହେ' ବିଶ୍ବନାୟକ 

            ଐକୁଣ୍ଠ  ଦେବ ମୂରାରୀ 

       ଅଗତିର ଗତି   ହେ' ଜଗତପତି 

                 ରକ୍ଷାକର ଚକ୍ରଧାରୀ 

                 ସତ ଏଠି ଦିନ ରାତି 

          କାଳ ରତ ରତ  ଛାତି ଧଡ଼ଧଡ଼

                 ମନ ଥାଉ ତୁମ କତି ..... ୩

                     -------×--------

http://sammarpana.blogspot.com

ସନ୍ତୋଷ ପଟ୍ଟନାୟକ ,ଗଞ୍ଜାମ  ।