ଗଣପତି ନମୋ ନମୋଃ
✍ ସନ୍ତୋଷ ପଟ୍ଟନାୟକ
ଜୟ ଜୟ ଗଜାନନ ପାର୍ବତୀ ନନ୍ଦନ
ମୂଷିକ ବାହନ ପ୍ରଭୁ ବିଘ୍ନ ବିନାଶନ
ଜୟ ଜୟ ଏକଦନ୍ତ ଆହେ ବିଘ୍ନେଶ୍ବର
ଧୂମ୍ରବର୍ଣ୍ଣ ଲମ୍ବକର୍ଣ୍ଣ ପ୍ରଭୁ ଲମ୍ବୋଦର ||
ଅଗ୍ରପୂଜ୍ୟ ସର୍ବସୁଖ ଜ୍ଞାନର ଇଶ୍ବର
ଅନ୍ତକର ଆହେ ପ୍ରଭୁ ତମାସା ଅନ୍ଧାର
ଦୟାକର ଦୟାମୟ ଇଶ୍ବର କୁମର
ଚରଣ ଯୁଗଳେ ତବ ମଥା ନିରନ୍ତର ||
ଜୟ ଜୟ ଗଣନାଥ ପ୍ରଭୁ ବିନାୟକ
ମଙ୍ଗଳ ମୂରତୀ ପ୍ରଭୁ ହେ'ବୁଦ୍ଧିଦାୟକ
ବୃକୋଦର ଏକାକ୍ଷର ଜୟ ଗଣାଧ୍ୟକ୍ଷ
ଢାଳିଦିଅ ଆମ ହୃଦେ ଜ୍ଞାନର ଆଲୋକ ||
ନମୋ ନମୋ ଗଣପତି ବିଦ୍ୟାର ସାଗର
ଘେନ ପୁଷ୍ପାଞ୍ଜଳୀ ବାରେ କ୍ଷମି ଦୋଷ ମୋର ||
- ସନ୍ତୋଷ ପଟ୍ଟନାୟକ , ଗଞ୍ଜାମ
No comments:
Post a Comment