#ଦୁର୍ଗତି_ନାଶିନୀ_ଦୁଃଖ_ମୋ_ନିବାର
~~~୦~~~ ✍ ସନ୍ତୋଷ ପଟ୍ଟନାୟକ
ସ୍ଥାଣୁ ଆଜି ଏଠି ସ୍ବରାଜ ଶାସନ
ସମ୍ଭ୍ରାନ୍ତରେ ଗଣା ନିଶା ସେବନ
ପୁରସ୍କୃତ ନିତି ଚାଟୁକାର ଏଠି
ଶାନ୍ତି ରକ୍ଷା ପାଇଁ ଛନ୍ତି ଉଗ୍ରପନ୍ଥୀ ॥
ନାରୀ ମାଂସ ଲୋଭେ ପଡିଛି ସମାଜ
ମତୃହନ୍ତା ସର୍ବ ନରାଧମ ଆଜ
ରକ୍ଷାକର ଆଦିମାତା ଦେଖାଇ ସ୍ବରୂପ
ଦଣ୍ଡିତ କର ଅବା ପ୍ରସାରିଣ ଭୁଜ ॥
ପାଶ୍ଚାତ୍ୟ ସ୍ବର୍ଶରେ ଆପଣା ସଂସ୍କୃତି
ସୁରାପାନ ପାଇଁ ବ୍ୟାକୁଳିତ ମତ୍ତି
ଧର୍ମ ନାମେ ରକ୍ତପାତ ବଣ୍ଟାବଣ୍ଟି
ଦୁର୍ଗତି ନାଶିନୀ ନାଶ ଏ' ଦୁର୍ଗତି ॥
ବ୍ୟଥିତ ହୃଦୟ ଦେଖି ଏ' ବେଭାର
କି'ଅବା କରିବି ମୁଁ' ଛାର କିଙ୍କର
ପ୍ରଣମୁଛି ମାତା ପାଦପଦ୍ମେ ତୋର
କୃପାବହି ହୃଦେ ପାପିକୁ ସଂହାର ॥
ଦୁଃଖେ ମ୍ରିୟମାଣ ଆଜି ତୋର ପୁତ
ଦୁଃଖକୁ ନିବାର ମାଆ ତୁ' ତ୍ବରିତ ॥
-----×------
ବେଗୁନିଆପଡା ବ୍ଳକ୍ ,ତିରିଡ଼ା, ଗଞ୍ଜାମ ।
No comments:
Post a Comment