ସତ୍ୟାଗ୍ରହ ର ସତ୍ୟ ଧାରରେ
ଥିଲେ ଯେଉଁ ଗଣ-ବିପ୍ଳବର
ଚେତନାର ମଙ୍ଗୁଆଳ ,
ସତ୍ୟ ଅହିଂସା ଦୁଇ ଆୟୁଧକୁ
ଜୀବନ୍ତ କଲ ସାଧନା ତପସ୍ୱୀ
ଜନତାର ଜଗୁଆଳ ।
ଫୁଙ୍ଗୁଳା ଦେହେ , ଲଙ୍ଘିଲ ତୁମେ
ବିଶ୍ୱେ ଲିଭାଇଲ ବର୍ଣ୍ଣବୈଷମ୍ୟ
ଉଡାଇ ମାନବ ଧ୍ବଜା ,
ହେ ମହାସାଧକ ସାଧନା ତୁମର
ଭୁଲିଯାଇ ନାହିଁ ଏ ବିଶ୍ୱ ମାନବ
ଆଜି କରେ ତୁମ ପୂଜା।
ଆସିବ କି ଥରେ ଦେଖିବାକୁ ତୁମ
ଦୁର୍ଦ୍ଧଷ ମାନବ ଧରିଛି କିପରି
ଅସତ୍ୟ ହିଂସାର ଅସ୍ତ୍ର ,
ନିରୀହ ମଣିଷ ତ୍ରସ୍ତା ମୃଗସମ
ବ୍ୟକ୍ତି ଯେ ଏଠାରେ ନିଜର ସ୍ୱାର୍ଥରେ
ବ୍ୟସ୍ତ ଖାଲି ବ୍ୟସ୍ତ ।
ଧ୍ବଂସ ପଥର କ୍ଳାନ୍ତ ପଥିକ
ଚାହିଁଅଛି ତୁମ ଆଗମୀ ମହକ
ଆଶା ଆଶ୍ୱାସନା ବାରୀ ,
ତୁମ ଆଗମନେ ଫୁଟିବକି ଏଠି
ନବ ଜୀବନର ଦୁଃଖ ଦଡମଡି
ଯିବ କେବେ ଅପସରି।
ହେ ମହାମାନବ ସାମର୍ଥ ଦିଅ
ଯୁଝିବାକୁ ଏ ଧରା ପୃଷ୍ଠରେ
ଅନ୍ୟାୟ ଅତ୍ୟାଚାରେ ,
ସ୍ବେଛାଚାର ର ବିନାଶ ଯଜ୍ଞରେ
ଚେତନାର ଧ୍ବଜା ମହାଗମ୍ଭୀରେ
ଉଡୁଥାଉ ନିରନ୍ତରେ
ଉଡୁଥାଉ ନିରନ୍ତରେ
-: ଅଙ୍କିତ କୁମାର ସ୍ୱାଇଁ :-
- ଶାସନ୍ଦା, ବିଂଝାରପୁର, ଯାଜପୁର -
No comments:
Post a Comment