🔵🔵🔵 ଓଡ଼ିଶା ଇତିହାସର ସବୁଠାରୁ କଳଙ୍କିତ ଇତିହାସ ; ଜଣେ ହିନ୍ଦୁ ରାଜପୁତ ଲୁଣ୍ଠନ କରିଥିଲା ଶ୍ରୀମନ୍ଦିର 🔵🔵🔵
ରାଜପୁତ୍ମାନଙ୍କ କଥା ଉଠିଲେ ସାରା ଭାରତର ଲୋକ କୁହନ୍ତି ସେମାନେ ବଡ଼ ଦେଶଭକ୍ତ ଵୀର ଓ ଵିଵେକୀ କିନ୍ତୁ ଯେମିତି ଯେମିତି ମୁଗୋଲମାନେ ସାରା ଉତ୍ତରଭାରତରେ ପ୍ରଭୁତ୍ଵ ଵିସ୍ତାର କରିଵାକୁ ଲାଗିଲେ ଅନେକ ରାଜପୁତ ମଧ୍ୟ ତାଙ୍କର ଗୋଲାମ ହେଵାକୁ ଲାଗିଲେ ।
ଏହିପରି ଜଣେ ଗୋଲାମ୍ ରାଜପୁତ କେଶୋ ଦାସ ଯୋଗୁଁ ଓଡ଼ିଶା ଓ ଶ୍ରୀମନ୍ଦିର ସବୁଠାରୁ ଅଧିକ ଲୁଣ୍ଠିତ ଓ ଅପମାନିତ ହୋଇଥିଲା ।
ମୋଗଲ ସମ୍ରାଟ ଜାହାଙ୍ଗୀର ଓଡିଶାର ପ୍ରଥମ ମୋଗଲ ସୁବାଦାର ରୂପେ ହାସିମ୍ ଖାଁ (୧୬୦୭-୧୬୧୧ ମସିହା) ନିଯୁକ୍ତି ଦେବାପରେ ମୋଗଲ ବାଦଶାହାଙ୍କ ସନ୍ତୁଷ୍ଟପାଇଁ କଟକ ଜିଲ୍ଲାର ଜାଗିରିଦାର ତଥା ମୋଗଲ ସେନାପତି କେଶୋ ଦାସ ମାରୁ ସାହାଯ୍ୟରେ ଶ୍ରୀଜଗନ୍ନାଥ ମନ୍ଦିର ଲୁଣ୍ଠନ କରିଥିଲା ।
ସେହି ଜଘନ୍ୟ ଆକ୍ରମଣ ଆଷାଢ଼ ମାସରେ ଶ୍ରୀକ୍ଷେତ୍ରରେ ଵିଶ୍ଵ ପ୍ରସିଦ୍ଧ ରଥଯାତ୍ରାର ଆୟୋଜନ ସମୟରେ ହୋଇଥିଲା । ଶ୍ରୀଗୁଣ୍ଡିଚା ମନ୍ଦିରରେ ଶ୍ରୀଜଗନ୍ନାଥ ଚତୁର୍ଦ୍ଧାମୂର୍ତ୍ତି ରଥଯାତ୍ରା ଯୋଗୁଁ ବିଜେ ହୋଇଥାନ୍ତି । ସେତେବେଳେ ସମସ୍ତଙ୍କର ଦୃଷ୍ଟି ଶ୍ରୀଗୁଣ୍ଡିଚା ମନ୍ଦିରରେ ଥିଲା । ତେଣୁ କେଶୋ ଦାସ ମାରୁ ବହୁସଂଖ୍ୟାରେ ରାଜପୁତ ସୈନ୍ୟସଜ୍ଜା କରି ଶ୍ରୀଜଗନ୍ନାଥ ମନ୍ଦିର ଦର୍ଶନ ଛଳନାକରି ମନ୍ଦିରରେ ପ୍ରଵେଶ କରିଵା ସହ ରତ୍ନଭଣ୍ଡାର ଲୁଣ୍ଡନ କଲା ।
ଜଣେ ହିନ୍ଦୁ ରାଜପୁତ ହୋଇ ବି କୋଶୋ ଦାସ ମାରୁ ଏକ ମୁସଲମାନ ଗୋଲାମ୍ ହୋଇଥିଵାରୁ ତା ମଧ୍ୟରେ ଆଉ ହିନ୍ଦୁ ଧର୍ମପ୍ରତି ଆସ୍ଥା ନଥିଲା । ସେବକ ବ୍ରାହ୍ମଣମାନଙ୍କ ଉପରେ ଅକଥନୀୟ ଅତ୍ୟାନ୍ତର କରି ତା ରାଜପୁତ ବାହିନୀ ମନ୍ଦିରରୁ କୋଟି କୋଟି ଟଙ୍କାର ମୂଲ୍ୟଵାନ ଧନରତ୍ନ ଲୁଣ୍ଠନ କଲେ ।
ଗଜପତି ପୁରୁଷୋତ୍ତମ ଦେଵ (୧୬୦୦ ୧୬୨୧ ମସିହା) ଏହି ଲୁଣ୍ଠନ ଵାର୍ତ୍ତା ପାଇ ରଥ ଓ ବହୁସଂଖ୍ୟକ ପାଇକ ଵାହିନୀ ସାହାଯ୍ୟରେ ମନ୍ଦିର ଚାରିପଟେ ରଥଗୁଡ଼ିକ ଭିଡ଼ିଦେଇ ଶ୍ରୀମନ୍ଦିର ଅଵରୋଧ କଲେ । ଖୋରଧା ଗଜପତିଙ୍କ ପ୍ରଚଣ୍ଡ ଆକ୍ରମଣରେ ଭୟଭୀତ କେଶୋ ଦାସ ମାରୁ ଅନ୍ୟ ଉପାୟ ନ ପାଇ ମନ୍ଦିର ଓ ମନ୍ଦିର ବେଢ଼ାରେ ଥିଵା ଛତି, ତ୍ରାସ,ଆଢ଼େଣି, ବୈରଖ ଓ ଚାନ୍ଦୁଆ ସବୁ ଚିରି ମନ୍ଦିର ବେଢ଼ାରେ ଥିଵା ବାଉଁଶ ଅଗ୍ରଭାଗରେ କନା ଗୁଡ଼ାଇ ସେଥିରେ ତେଲ ଓ ଘିଅ ଢ଼ାଳି ନିଆଁ ଲଗାଇ ମନ୍ଦିର ବେଢ଼ାର ବାହାର ଚତୁଃପାର୍ଶ୍ବରେ ଥିଵା ରଥ ଉପରକୁ ନିଆଁହୁଳା ଫୋପାଡ଼ିଲା।
କେଶୋଦାସ ପରାଜିତ ହେଉଥିଵା ଖବର ପାଇ ବଙ୍ଗ ସୁବାଦାର ଇସଲାମ୍ ଖାଁ ଖୁଜା, ତହିର ମହମ୍ମଦ ବକ୍ତି ନାମକ ସେନାପତିକୁ ସାହାଯ୍ୟ କରିଵାପାଇଁ ଓଡ଼ିଶା ପଠାଇଲା । ସେ ଓଡ଼ିଶା ସୁବାଦାର ହାସିମ୍ ସହ ମିଶି କେଶୋ ଦାସକୁ ସାହାଯ୍ୟ କଲେ । ତେବେ ଗଜପତି ପରାଜୟ ହେଉଥିଵା ଦେଖି ଯୁଦ୍ଧ ବନ୍ଦକରି କେଶୋଦାସ ସହ ସନ୍ଧି କରିଵାକୁ ତାଙ୍କୁ ବକ୍ତି ପରାମର୍ଶ ଦେଲା ।
ଗଜପତି ରାଜାଙ୍କ ସମ୍ମୁଖରେ ସନ୍ଧିର ନିମ୍ନ ସର୍ତ୍ତଗୁଡି଼କ ରଖାଗଲା ।
(କ)ଖୋରଧା ଗଜପତି ମହାରାଜା ପୁରୁଷୋତ୍ତମ ଦେଵ ନିଜ କନ୍ୟା ରାଜଜେମା କନକପ୍ରତିମା ଦେଵୀଙ୍କୁ ଜାହାଙ୍ଗୀରଙ୍କୁ ବିବାହ ଦେବେ ।
(ଖ) 9. ୩ଲକ୍ଷ ଟଙ୍କା ମୋଗଲ ବାଦଶାହାଙ୍କୁ ପେସ୍କସ୍ ହେବେ ।
(ଗ) ନିଜର ଭଗିନୀକୁ କେଶୋ ଦାସ ସହିତ ଵିଵାହ କରାଇବେ ।
(ଘ)ଯୁଦ୍ଧର କ୍ଷୟକ୍ଷତିପାଇଁ କେଶୋଦାସକୁ ଏକଲକ୍ଷ ଟଙ୍କା କ୍ଷତିପୂରଣ ଦେବେ ।
ଶ୍ରୀମନ୍ଦିର ଓ ତତ୍କାଳୀନ ଉତ୍କଳଦେଶକୁ ବଞ୍ଚାଇଵାକୁ ଯାଇ ଗଜପତି ରାଜା ଏହି ସର୍ତ୍ତରେ ରାଜି ହେଵାକୁ ଵାଧ୍ୟ ହୋଇଥିଲେ । ଗୋଲାମ୍ ହିନ୍ଦୁ ଦ୍ରୋହୀ ରାଜପୁତ୍ କେଶୋ ଦାସ ଓଡ଼ିଶାରୁ ଗୋଟିଏ ବଳଵାନ ହାତୀ ଓ ଅନ୍ୟ ୫ଟି ମାଈ ହାତୀ ମଧ୍ୟ ନେଇଥିଲା । ପିଶାଚ ଜାହାଙ୍ଗୀରକୁ ଲୁଣ୍ଠିତ ଧନରତ୍ନ ଉପହାର ଦେଵାରୁ ଜାହାଙ୍ଗୀର ଅତ୍ୟନ୍ତ ପ୍ରୀତିହୋଇ କେଶୋ ଦାସକୁ ୪ହଜାର ଅଶ୍ଵବାହିନୀ ଉପରେ ସେନାପତି କରିଵା ସହ ଏକ ପତାକା, ମୂଲ୍ୟଵାନ ପୋଷାକ, ମଣିମୁକ୍ତାଖଚିତ ଖଣ୍ଡା, କମରପଟି, ଗୋଟିଏ ଵେଗଗାମୀ ଅଶ୍ଵ ଓ ରତ୍ନଖଚିତ ଜିନ୍ ପୁରସ୍କାର ଦେଇଥିଲା।
ରାଜଜେମା କନକପ୍ରତିମା ଦେଵୀ ସନ୍ଧି ଚାଲିଥିଵା ସମୟରେ ଘୋଡ଼ା ଯୋଗେ କୌଶଳରେ ନରସିଂହପୁର ଚାଲିଯାଇଥିଲେ ଏଵଂ ପରେ ସେ ସମ୍ବଲପୁର ରାଜାଙ୍କ ପାଣିଗ୍ରହଣ କରିଥିଲେ ।
ଏହି ଯୁଦ୍ଧରେ ମାନସମ୍ମାନ ଧନରତ୍ନ ହରାଇ ରାଜା ପୁରୁଷୋତ୍ତମଦେଵ ମନ ଦୁଃଖରେ ଖୋର୍ଦ୍ଧା ରାଜ୍ୟ ଛାଡି ରାଜମହେନ୍ଦ୍ରୀକୁ ଚାଲିଯାଇଥିଲେ । ହିନ୍ଦୁ ହୋଇ ହିନ୍ଦୁଵିଦ୍ବେଷ ନୀତି ଗ୍ରହଣକରି କିପରି କେଶୋ ଦାସ ମାରୁ ଶ୍ରୀଜଗନ୍ନାଥ ମନ୍ଦିର ଲୁଣ୍ଡନ କରିଥିଲା ତାହା ଓଡ଼ିଶାର ମାଦଳାପାଞ୍ଜିରେ ଵିଶଦ ଭାବରେ ଵର୍ଣ୍ଣିତ ହୋଇଅଛି ।
ତେବେ ଓଡ଼ିଶା ଉପରେ ଆକ୍ରମଣରୁ ମିଳିଥିଵା ଏହି ଅହେତୁକ ଲାଭ ଦେଖି ଗୋଲାମ୍ ରାଜପୁତ ଓ ତାଙ୍କ ମାଲିକ ମୁଲ୍ଲା ଉତ୍ତରଭାରତୀୟମାନେ ବାରମ୍ବାର ଓଡ଼ିଶା ଉପରେ ଆକ୍ରମଣ କରିଵାକୁ ପଛାଇ ନଥିଲେ ।
ହାସିମ ଖାଁ ପରେ ୧୬୧୧ରେ ଆଉ ଜଣେ ରାଜପୁତ କଲ୍ୟାଣ ମଲ୍ଲ ଓଡ଼ିଶାର ସୁବାଦାର ହୋଇ ଆସିଥିଲା । କିନ୍ତୁ ଦାୟିତ୍ଵ ନେଵା ଦିନୁଳଠାରୁ ସେ ଆକ୍ରମଣ ଆରମ୍ଭ କରିଦେଇଥିଲା । ଏହି ସମୟରେ ସେ ବିପୁଳ ସୁନା, ରୂପା ଓ ସମ୍ପରି ନେଇ ଯାଇଥିଲା । ୧୬୧୭ରେ ମକରମ ଖାଁ ମନ୍ଦିର ଭିତରେ ପଶି ମନଇଚ୍ଛା ଧନସମ୍ପତି ଲୁଟି ନେଇଥିଲା । ପୁରୀ ଆକ୍ରମଣ ଯୋଗୁଁ ଜଗନ୍ନାଥଙ୍କୁ ବାଣପୁରର ଗଜପଦାଠାରେ ଗୋପନ ରଖାଗଲା । ସେ ମଧ୍ୟ ଅନେକ ଲୁଣ୍ଠିତ ଧନ ନେଇଗଲା ।
ଆଜି ଉତ୍ତର ଭାରତରେ ବହୁତ ଲୋକ ହିନ୍ଦୁ ହିନ୍ଦୁ ଚିତ୍କାର କରୁଛନ୍ତି କିନ୍ତୁ ଏହା ଅତ୍ୟନ୍ତ କଟୁ ହଳାହଳ ଵିଷତୁଲ୍ୟ ସତ୍ୟ ଯେ ସେହି ଉତ୍ତର ଭାରତୀୟ ହିନ୍ଦୁମାନଙ୍କ ପୂର୍ଵଜ ହିଁ ମୋଗଲ ଶାସନକାଳରେ ମୁସଲମାନ ଶାସକଙ୍କ ଗୋଡ଼ଚଟା ଚାକର ହୋଇ ହିନ୍ଦୁରାଜ୍ୟ ଓଡ଼ିଶା ତଥା ହିନ୍ଦୁମାନଙ୍କର ପରମ ଆରାଧ୍ୟ ଶ୍ରୀଜଗନ୍ନାଥଙ୍କର ଅହେତୁକ କ୍ଷତି କରିଵାକୁ ପଛାଇ ନଥିଲେ ।
(ପ୍ରୋକ୍ତ ଐତିହାସିକ ତଥ୍ୟ ମହାଵିଦ୍ୟାଳୟରେ ପାଠ କରାଯାଉଥିଵା ଏକ ଇତିହାସ ପୁସ୍ତକରୁ ସଂଗୃହୀତ । ଓଡ଼ିଆ ମୁକ୍ତ ଵିଶ୍ଵ ଵିଦ୍ୟାଳୟ ପକ୍ଷରୁ ପ୍ରସ୍ତୁତ ପୁସ୍ତକର ପୃଷ୍ଠା ଚିତ୍ର ତଥ୍ୟ ଦ୍ରଷ୍ଟଵ୍ୟ)
No comments:
Post a Comment